பொலிஸாரின் குற்றப் பிரிவுகளுக்கு பரிந்துரைக்கப்பட்ட 42,248 தேடப்படும் சந்தேக நபர்களில் 1,468 பேர் யுக்திய சுற்றிவளைப்பு நடவடிக்கையின் கீழ் நேற்று (15) கைது செய்யப்பட்டதாக பொதுப் பாதுகாப்பு அமைச்சு தெரிவித்துள்ளது.
இவற்றில், போதைப்பொருள் குற்றங்களுக்காக திறந்த பிடியாணை பிறப்பிக்கப்பட்ட 4,088 சந்தேக நபர்களில் 254 பேர் கைது செய்யப்பட்டுள்ளனர்.
போதைப்பொருள் தவிர்ந்த குற்றங்களுக்காக திறந்த பிடியாணை பிறப்பிக்கப்பட்ட 31,417 சந்தேக நபர்களில் 942 பேர் கைது செய்யப்பட்டுள்ளனர்.
கைரேகைகள் மூலம் அடையாளம் காணப்பட்ட 4,258 சந்தேக நபர்களில் 123 பேர் கைது செய்யப்பட்டுள்ளனர்.
துஷ்பிரயோக வழக்குகளில் இதுவரை கைது செய்யப்படாத 2,485 சந்தேக நபர்களில் 149 பேர் கைது செய்யப்பட்டுள்ளனர்.
