விமான நிலைய திருத்தப் பணிகள் ஜப்பான் நாட்டிடம் ஒப்படைப்பு.
எதிர்வரும் நவம்பருக்கு முன்னர் பண்டாரநாயக்க சர்வதேச விமான நிலையத்தின் (BIA) முனையம் 2 கட்டுமானப் பணிகள் மீண்டும் தொடங்கும் என ஜப்பான் உறுதி செய்துள்ளது.
நீண்ட காலமாகத் தாமதமடைந்து வந்த பண்டாரநாயக்க சர்வதேச விமான நிலையத்தின் (BIA) முனையம் 2 கட்டுமானப் பணிகள், 2026 நவம்பருக்கு முன்னர் தொடங்கும் என ஜப்பான் உறுதி செய்துள்ளது.
இது விமான நிலையத்தின் பயணிகள் கொள்ளளவை பெருமளவில் விரிவாக்குவதற்கு வழிவகுக்கும்.
துறைமுகங்கள், சிவில் விமானப் போக்குவரத்து மற்றும் எரிசக்தி அமைச்சர் அனுர கருணாதிலக்கவிற்கும், சிரேஷ்ட பிரதி ஜனாதிபதி ஹர ஷோஹெய் மற்றும் பிரதம பிரதிநிதி ஹொன்சு ஷிகியோ தலைமையிலான ஜிகா (JICA) தூதுக்குழுவிற்கும் இடையேயான பேச்சுவார்த்தைகளின் போது இந்த உறுதிப்படுத்தல் வந்தது.
முன்னர் இடைநிறுத்தப்பட்டிருந்த இத்திட்டம், ஜனாதிபதி அனுர குமார திசாநாயக்கவிற்கும் ஜப்பானிய அரசாங்கத்திற்கும் இடையேயான பேச்சுவார்த்தைகளைத் தொடர்ந்து மீண்டும் தொடங்கப்படுகிறது. இத்திட்டத்தை மீண்டும் தொடங்குவதற்குத் தேவையான கூடுதல் கடன் வசதி பெறப்பட்டுள்ளதாகவும், தேர்ந்தெடுக்கப்பட்ட கட்டுமான நிறுவனத்துடன் இறுதிப் பேச்சுவார்த்தைகள் நடைபெற்று வருவதாகவும் கூறப்படுகிறது.
பண்டாரநாயக்க சர்வதேச விமான நிலையத்தில் பயணிகள் போக்குவரத்து தொடர்ந்து அதிகரித்து வருவதால், இந்த விரிவாக்கம் அவசரமாகத் தேவைப்படுகிறது என்று அரசாங்கம் கூறுகிறது. முனையம் 2 கட்டி முடிக்கப்பட்டவுடன், அது விமான நிலையத்தின் கொள்ளளவை கணிசமாக உயர்த்தி, இலங்கையின் சுற்றுலா மற்றும் முதலீட்டு லட்சியங்களுக்கு ஆதரவளிக்கும் என எதிர்பார்க்கப்படுகிறது.
மேலும் கொழும்புத் துறைமுகத்தில் கப்பல் போக்குவரத்து மேலாண்மை அமைப்பை நிறுவுவதற்கு ஜப்பான் வழங்கக்கூடிய சாத்தியமான உதவி குறித்தும் இக்கூட்டத்தில் விவாதிக்கப்பட்டது.
