பச்சை துண்டு போட்டு விஜய் கத்துனா விவசாயி ஆயிடுவாரா?

பச்சை துண்டு போட்டு விஜய் கத்துனா விவசாயி ஆயிடுவாரா? சூட்டிங் வைத்து 50 பேரை கொன்னுட்டாரு! ஜூலி வீடியோ

ஜூலி திமுக கட்சியில் தன்னை இணைத்துக் கொண்ட நிலையில் விஜயை குறித்து தொடர்ந்து விமர்சித்து வருகிறார். அந்த வரிசையில் தற்போது வெளியிட்ட இந்த புதிய வீடியோவில் ஜூலி பேசும்போது, “எங்களுடைய தலைவர் யாரையும் தனிப்பட்ட முறையில் தாக்கக்கூடாது என்று சொல்லியிருக்கிறார். அதனால் நான் எந்த தனி நபர் தாக்குதலும் செய்ய மாட்டேன்,” என்று ஆரம்பிக்கிறார்.

அவர் தொடர்ந்து, “நானும் ஜல்லிக்கட்டு போராட்டம் பற்றி பேசலாம் என்று நினைத்தேன். ஆனால் அந்த உரிமையை நான் தான் வைத்திருக்கிறேனா என்று எல்லோரும் கேட்பார்கள். அதனால் அதை பற்றி இனி பேசப் போவதில்லை. எங்கள் தலைவர் திமுக ஆட்சியில் செய்த நல்ல விஷயங்களைப் பற்றி தான் பேசப்போகிறேன்,” என்று கூறுகிறார்.

விஜயை குறிவைத்து கடும் விமர்சனம்

அதன் பிறகு விஜயை நேரடியாக குறிவைத்து, “பச்ச துண்டு போட்டுக்கிட்டு தஞ்சாவூர்ல கத்தினா விவசாயம் வந்துருமா? விஜய்க்கு தெரிந்தது ஷூட்டிங் தான்… அந்த சூட்டிங்காக 50 பேரை கொன்னுட்டாரு,” என கடுமையாக பேசுகிறார். இந்த கருத்துகள் சமூக வலைதளங்களில் பெரும் எதிர்ப்பையும் விமர்சனங்களையும் கிளப்பியுள்ளது.

அருண் ராஜா பதிலடி

இந்த விவகாரத்தில் சீரியல் நடிகர் அருண் ராஜா தனது ஆதங்கத்தை வெளிப்படுத்தி பதிவிட்டுள்ளார். அதில் அவர், “நானும் உங்களைப் பற்றி பேச கூடாதுன்னு நினைச்சுட்டு இருந்தேன். ஆனா நீங்க தொடர்ந்து தேவையில்லாத விஷயங்களையும், வதந்திகளையும் பரப்பிட்டு இருக்கீங்க. ஜூலி மேடம்… உங்க தலைவர் சொன்ன மாதிரி பர்சனல் அட்டாக் பண்ணாம, அவர் என்ன செய்திருக்கிறார் என்பதை மட்டும் பேசுங்க. அத விட்று கட்டுக்கதைகள் பேசாதீங்க,” என்று நேரடியாக பதிலடி கொடுத்துள்ளார்.

ரசிகர்கள் எதிர்வினை

இந்த வீடியோ வெளியாகியவுடன் சமூக வலைதளங்களில் கலவையான எதிர்வினைகள் வெளியாகி வருகின்றன. ஒருபுறம், சிலர் ஜூலியை கடுமையாக விமர்சித்து வருகிறார்கள். “அவதூறு பேசாதீர்கள்”, “அதிகமாக போயிடுது” என்ற கருத்துகளும் பதிவாகி வருகின்றன.

மற்றொரு புறம், சிலர் அரசியல் கருத்து சொல்லும் உரிமை அனைவருக்கும் உள்ளது என்று கூறி அவரை ஆதரிக்கும் பதிவுகளையும் வெளியிட்டு வருகின்றனர்.

முன்பும் விஜயை விமர்சித்த ஜூலி

இது முதல் முறை அல்ல. இதற்கு முன்பும் ஜூலி, விஜயின் அரசியல் பயணம், கூட்டங்கள், பேச்சுகள் குறித்து பல முறை விமர்சனம் செய்துள்ளார். குறிப்பாக தவெக கட்சி ஆரம்பித்த பிறகு, அவரது கருத்துகள் அதிகமாக கவனம் பெற்றன. அதோடு, திமுகவில் இணைந்த பிறகு, அந்தக் கட்சிக்கு ஆதரவாகவும், விஜயின் அரசியல் நடவடிக்கைகளை கேள்வி எழுப்பியும் தொடர்ந்து பேசி வருகிறார்.

தொடர்ந்து சர்ச்சையில் ஜூலி

ஒவ்வொரு முறையும் ஜூலி வெளியிடும் வீடியோக்கள் சர்ச்சையை கிளப்பி வருகிறது. ஆனால் அதைப்பற்றி கவலைப்படாமல் தொடர்ந்து தனது கருத்துகளை வெளிப்படுத்தி வருகிறார் என்பது குறிப்பிடத்தக்கது.

மொத்தத்தில், விஜயை குறிவைத்து ஜூலி வெளியிட்ட இந்த புதிய வீடியோவும், அதற்கு வந்துள்ள எதிர்ப்புகளும் தற்போது சமூக வலைதளங்களில் தீவிரமாக பேசப்பட்டு வருகிறது. இந்த விவகாரம் இன்னும் எவ்வளவு தூரம் போகும் என்பது தான் இப்போது அனைவரும் கவனித்து வரும் விஷயமாக உள்ளது.