தென்னாபிரிக்காவுக்கு எதிரான டர்பனில் நடைபெற்ற முதல் டெஸ்ட் போட்டியில் இலங்கை அணியின் துடுப்பாட்டம் தனக்கு ஏமாற்றம் அளிப்பதாக சுழற்பந்து வீச்சாளர் பிரபாத் ஜெயசூர்யா தெரிவித்துள்ளார்.
நேற்றைய இரண்டாம் நாள் ஆட்டத்தின் பின்னர் நடைபெற்ற செய்தியாளர் சந்திப்பில் கலந்துகொண்டு கருத்து தெரிவிக்கும் போதே அவர் இதனைக் குறிப்பிட்டுள்ளார்.
தென்னாப்பிரிக்காவின் இரண்டாவது இன்னிங்ஸில் டோனி டி சோர்சியை வெளியேற்றியதன் மூலம் உலகின் அதிவேகமாக 100 டெஸ்ட் விக்கெட்டுகளை வீழ்த்திய இரண்டாவது பந்துவீச்சாளர் பிரபாத் ஜெயசூர்யா ஆனார்.
பிரபாத் ஜெயசூர்யா 17 போட்டிகளில் தனது 100வது விக்கெட்டை பதிவு செய்து, குறைந்த போட்டிகளில் 100 விக்கெட்டுகளை வீழ்த்திய முதல் இலங்கை வீரர் என்ற சாதனையை படைத்தார்.
