2023ஆம் ஆண்டு முடிவுக்கு வந்துவிட்டது. இந்த ஆண்டில் உலக நாடுகளில் பல்வேறு துறைகளிலும், முக்கிய நிகழ்வுகள் பதிவாகியிருந்தன.
இலங்கையிலும், அரசியல், விளையாட்டு, சமூகம் மற்றும் நீதித் துறை சார்ந்த முக்கிய நிகழ்வுகள் இந்த ஆண்டு பதிவாகியிருந்தன. இது குறித்த ஒரு தொகுப்பை இந்தப் பதிவில் காணலாம்.
ஜனவரி
- ஐந்தாம் திகதி – 2022 இலங்கைப் போராட்டங்களின் முன்னணி செயற்பாட்டாளரான ரண்டிமல் கமகே, பண்டாரநாயக்கா சர்வதேச விமான நிலையத்தில் வைத்து கைது செய்யப்பட்டார்.
- ஒன்பதாம் திகதி – மொனராகலை சிரேஷ்ட பொலிஸ் அத்தியட்சகர் (SSP) சிசிர குமாரவிடம் 350 கஞ்சா செடிகள் மற்றும் ஒரு மெட்டல் டிடெக்டர் கண்டுபிடிக்கப்பட்டதை அடுத்து அவர் கைது செய்யப்பட்டார்.
- 10ஆம் திகதி – முன்னாள் ஜனாதிபதிகளான கோட்டாபய ராஜபக்ச, மகிந்த ராஜபக்ச மற்றும் இராணுவ அதிகாரிகளான சுனில் ரத்நாயக்க, சந்தன பிரசாத் ஹெட்டியாராச்சி ஆகியோர் மீது கனடா தடைகளை விதித்தது.
- 20ஆம் திகதி முதல் 3டி இலங்கை அனிமேஷன் திரைப்படமான கஜமான் திரையரங்கில் வெளியிடப்பட்டது.
- 20ஆம் திகதி நானுஓயா – ரதல்ல பகுதியில் இடம்பெற்ற கோர விபத்தில் ஏழு பேர் கொல்லப்பட்டனர்.
- 31ஆம் திகதி முன்னாள் ஜனாதிபதி மைத்திரிபால சிறிசேன 2024 இல் இரண்டாவது முறையாக போட்டியிடப் போவதாக அறிவித்தார்.
பெப்ரவரி
- மூன்றாம் திகதி முன்னாள் சபாநாயகர் கரு ஜெயசூர்யவிற்கு ஜனாதிபதி ரணில் விக்கிரமசிங்கவினால் இலங்கையின் உயரிய தேசிய கௌரவமான கௌரவ ஸ்ரீலங்காபிமன்யா விருது வழங்கப்பட்டது.
- நான்காம் திகதி இலங்கையின் 75ஆவது சுதந்திர தின கொண்டாட்டங்கள் இடம்பெற்றது.
- 11ஆம் திகதி பாராளுமன்ற உறுப்பினர் செல்வராஜா கஜேந்திரன் உள்ளிட்ட 17 பேர் யாழ்ப்பாணத்தில் கைது செய்யப்பட்டனர்.
- 23ஆம் திகதி ஸ்ரீலங்கா பொதுஜன பெரமுனவின் பாராளுமன்ற உறுப்பினர் பேராசிரியர் ரஞ்சித் பண்டார பாராளுமன்றத்தில் பொது நிறுவனங்கள் மீதான குழுவின் (COPE) தலைவராக நியமிக்கப்பட்டார்.
மார்ச்
- மூன்றாம் திகதி எகிப்தின் ஷர்ம் எல் ஷேக்கில் நடைபெற்ற 29 ஆவது “உலகின் சிறந்த மொடல் 2023” போட்டியில் இலங்கை டொடல் அழகி சந்தானி பீரிஸ் 2வது இரண்டாம் இடத்தைப் பிடித்தார்.
- ஆறாம் தகிதி இலங்கையின் பிரபல போதைப்பொருள் மன்னன் நடுன் சிந்தகா என்ற “ஹரக் கட்டா” மற்றும் அவனது கூட்டாளியான சலிந்து மல்ஷிகா குணரத்னே அல்லது “குடு சலிந்து” ஆகியோர் மடகாஸ்கரில் கைது செய்யப்பட்டனர்.
- 11ஆம் திகதி இலங்கையின் சில பகுதிகளில் காற்றின் தரம் குறைந்தது. கொழும்பில் காற்றின் தரக் குறியீடு “ஆரோக்கியமற்ற” நிலையை எட்டியது.
- 17ஆம் திகதி சாட்சிகளை அச்சுறுத்தியதாக தெரிவித்து முன்னாள் பாராளுமன்ற உறுப்பினர் ஜே. ஸ்ரீ ரங்கா கைது செய்யப்பட்டார்.
ஏப்ரல்
- எட்டாம் திகதி ஜனாதிபதி ரணில் விக்கிரமசிங்கே மீண்டும் 2024 ஜனாதிபதி தேர்தலில் போட்டியிடப் போவதாக அறிவித்தார்.
- ஒன்பதாம் திகதி காலியில் இருந்து மருதானை வரை ஓடிய சமுத்திராதேவி ரயிலின் இயந்திரப் பெட்டி, களுத்துறை-வடக்கு பகுதியில் ரயிலில் இருந்து பிரிக்கப்பட்டு சுமார் ஒரு கிலோமீட்டர் தூரம் ஓடியது.
- 10ஆம் திகதி மே 15 அன்று தொடங்க திட்டமிடப்பட்டிருந்த 2022 க.பொ.த சாதாரண தரத் பரீட்சைகள் இரண்டு வாரங்களுக்கு ஒத்திவைக்கப்பட்டது.
- 29ஆம் திகதி பிரபல குற்றவாளி சின்ஹாரகே சமிந்த சில்வா என்ற ‘ரத்மலானே கூடு அஞ்சு’ பிரான்சில் கைது செய்யப்பட்டார்.
மே
- மூன்றாம் திகதி நிதிப் பற்றாக்குறையின் காரணமாக அரசாங்கம் ‘மக நெகும’ மற்றும் அதன் நான்கு இணைந்த நிறுவனங்களை மூடியது.
- 16ஆம் திகதி எதிர்க்கட்சித் தலைவர் சஜித் பிரேமதாச 2024 இல் ஜனாதிபதி தேர்தலில் போட்டியிடப் போவதாக அறிவித்தார்.
- 17ஆம் திகதி அரசியல் தலையீடுகள் கரணமாக உலக ரக்பி பேரவை இலங்கை ரக்பியை உடனடியாக தடைசெய்தது.
- 23ஆம் திகதி தம்மிக்க தசநாயக்கவின் இராஜினாமாவைத் தொடர்ந்து, இலங்கை பாராளுமன்றத்தின் புதிய பொதுச் செயலாளராக குஷானி ரோஹனதீர கடமைகளை பொறுப்பேற்றார்.
- 23ஆம் திகதி பாராளுமன்ற உறுப்பினர் அலி சப்ரி ரஹீம், 3.5 கிலோ எடையுள்ள தங்கத்தை கடத்தியதற்காக பண்டாரநாயக்க சர்வதேச விமான நிலையத்தில் வைத்து கைது செய்யப்பட்டார்.
- 24ஆம் திகதி தொழிலதிபர் ஜனக ரத்நாயக்க 2024 இல் ஜனாதிபதி தேர்தலில் போட்டியிடப் போவதாக அறிவித்தார். அவர் எந்த அரசியல் கட்சியையும் சார்ந்திருக்காத தேர்தலின் முதல் ஜனாதிபதி வேட்பாளர் என்பதும் குறிப்பிடத்தக்கது.
- 25ஆம் திகதி இத்தாலியில் நடைபெற்ற 12வது சர்வதேச “Citta’ Di Savona” போட்டியில் ஆடவர் 100 மீற்றர் இறுதிப் போட்டியில் இலங்கை ஓட்டப்பந்தய வீரர் யுபுன் அபேகோன் 10.01 வினாடிகளில் ஓடி இரண்டாவது இடத்தைப் பிடித்தார்.
- 28ஆம் திகதி நகைச்சுவை நடிகர் நதாஷா எதிரிசூரியா, புத்தம், இஸ்லாம் மற்றும் கிறித்துவம் பற்றி அவதூறான கருத்துகளை வெளியிட்டமைக்காக குற்றப் புலனாய்வுப் பிரிவினரால் கைது செய்யப்பட்டார்.
- 29ஆம் திகதி “மத நல்லிணக்கத்தை சீர்குலைக்கும்” சர்ச்சைக்குரிய அறிக்கைகளை வெளியிட்ட பின்னர், வண. ராஜாங்கனே சத்தராதன தேரோ அனுராதபுரத்தில் பொலிஸாரால் கைது செய்யப்பட்டார்.
ஜூன்
- முதலாம் திகதி பெப்ரவரி 14 ஆம் திகதி மேற்கொள்ளப்பட்ட தீர்மானத்தின்படி இலங்கையில் பல பிளாஸ்டிக் பொருட்களின் உற்பத்தி, இறக்குமதி, விற்பனை மற்றும் பாவனை தடைசெய்யப்பட்டது.
- நான்காம் திகதி செப்டம்பர் 2023 முதல் செப்டம்பர் 2024 வரை ஆசிய பசுபிக் பிராந்தியத்திற்கான பொருத்தமான பதவியை ஏற்கும் ஐக்கிய நாடுகளின் பொதுச் சபையின் 78வது அமர்வின் துணைத் தலைவராக இலங்கை ஏகமனதாகத் தெரிவுசெய்யப்பட்டது.
- யாழ்ப்பாணப் பல்கலைக்கழகத்தின் முகாமைத்துவ மற்றும் வணிகக் கற்கைகள் பீடத்தின் மொத்த 31 மாணவர்கள் (16 இரண்டாம் வருட மாணவர்கள் மற்றும் 15 பேர்) கட்டுப்பாடற்ற நடத்தை காரணமாக இடைநிறுத்தப்பட்டுள்ளனர்.
- ஆறாம் திகதி 2008 ஆம் ஆண்டு முதல் பல சந்தர்ப்பங்களில் தனது 11 வயது மகளை பலமுறை பாலியல் வன்கொடுமை செய்த குற்றத்திற்காக பலப்பிட்டிய உயர் நீதிமன்றம் ஒருவருக்கு 110 வருட கடுங்காவல் சிறைத்தண்டனை விதித்தது.
- ஏழாம் திகதி பொலிஸ் அதிகாரிகளின் கடமைகளுக்கு இடையூறு விளைவித்த குற்றச்சாட்டின் பேரில் பாராளுமன்ற உறுப்பினர் கஜேந்திரகுமார் பொன்னம்பலம் கைது செய்யப்பட்டார்.
- 13ஆம் திகதி முன்னாள் அமைச்சர் நவீன் திசாநாயக்க, சப்ரகமுவ மாகாணத்தின் புதிய ஆளுநராக நியமிக்கப்பட்டார்.
- 19ஆம் திகதி முன்னாள் வெளியுறவு அமைச்சர் ரோஹித போகொல்லாகம ஐக்கிய இராச்சியத்திற்கான இலங்கையின் உயர் ஸ்தானிகராக நியமிக்கப்பட்டார்.
- 27ஆம் திகதி 2023 இல் யுனெஸ்கோவின் உலக சர்வதேசப் பதிவேட்டில் பொறிக்கப்பட்ட ஆவணப் பாரம்பரியத்தின் 64 புதிய பொருட்களில் மகாவம்சம் பட்டியலிடப்பட்டுள்ளது.
ஜூலை
- முதலாம் திகதி பல்கலைக்கழகத்தின் 80வது ஆண்டு நிறைவை முன்னிட்டு பேராதனைப் பல்கலைக்கழகத்தின் ஒன்பது பீடங்களும் பொதுமக்களின் பார்வைக்காக திறக்கப்பட்டன.
- இரண்டாம் திகதி பண்டாரநாயக்கா சர்வதேச விமான நிலையத்தில் இருந்து புறப்பட்ட சிறப்பு விமானம் மூலம் ‘முத்து ராஜா’ என்ற யானை தாய்லாந்துக்கு கொண்டு செல்லப்பட்டது.
- இரண்டாம் திகதி கிரிக்கெட் உலகக் கோப்பை தகுதிச் சுற்றில் ஜிம்பாப்வேக்கு எதிரான் போட்டியில் வெற்றிபெற்று 2023 ஆம் ஆண்டு இந்தியாவில் நடைபெறும் கிரிக்கெட் உலகக் கோப்பைக்கு இலங்கை தகுதி பெற்றது.
- இலங்கை மகளிர் கிரிக்கெட் வீராங்கனையான சாமரி அத்தபத்து, பெண்களுக்கான துடுப்பாட்ட தரவரிசையில் முதல் இடத்தைப் பிடித்தார்.
- ஒன்பதாம் திகதி வட மத்திய மாகாணத்தில் பேருந்து ஒன்று ஆற்றில் விழுந்ததில் 10 பேர் கொல்லப்பட்டனர் மற்றும் 30 பேர் காயமடைந்தனர்.
- 11 ஜூலை – இலங்கை கிரிக்கெட் வீரர் வனிந்து ஹசரங்க சர்சதேச கிரிக்கெட் பேரவையின் ஜூன் 2023க்கான சிறந்த வீரருக்கான விருதை வென்றார்.
- 18ஆம் திகதி கட்சியின் விருப்பத்திற்கு மாறாக ஜனாதபதி ரணிலுடன் இணைந்து அமைச்சு பதவிகளை ஏற்றுக்கொண்ட ஹரின் பெர்னாண்டோ மற்றும் மனுஷ நாணயக்கார ஆகியோரை ஐக்கிய மக்கள் சக்தி கட்சியிலிருந்து நீக்கியது.
- 20ஆம் திகதி சந்தனி விஜேவர்தன, ஜனாதிபதி செயலாளராக நியமிக்கப்பட்டார், இலங்கையில் பெண் ஒருவர் இப்பதவியை ஏற்ற முதல் சந்தரப்பம் இதுவாகும்
- 29ஆம் திகதி பிரான்ஸ் ஜனாதிபதி இம்மானுவேல் மக்ரோன் இலங்கைக்கு விஜயம் செய்தார். பிரான்ஸ் ஜனாதிபதி இலங்கைக்கு விஜயம் செய்தது வரலாற்றில் இதுவே முதல் நிகழ்வாகும்.
ஓகஸ்ட்
- 15ஆம் திகதி கிரிக்கெட் வீரர் வனிந்து ஹசரங்க, வரையறுக்கப்பட்ட ஓவர்கள் கிரிக்கெட்டில் கவனம் செலுத்தும் நோக்கத்துடன் டெஸ்ட் கிரிக்கெட்டில் இருந்து ஓய்வு பெறுவதாக அறிவித்தார்.
- 20ஆம் திகதி லங்கா பிரீமியர் லீக் தொடரில் தம்புள்ளை ஆரா அணியை தோற்கடித்த B-Love கண்டி கிண்ணத்தை வெற்றிகொண்டது.
- 28ஆம் திகதி பீஃபா இலங்கை கால்பந்து மீது விதிக்கப்பட்ட இடைக்கால தடையை உடன் அமுலாகும் வகையில் நீக்கியது.
- 29ஆம் திகதி தேசிய மக்கள் சக்தி 2024 தேர்தலுக்கான ஜனாதிபதி வேட்பாளராக அந்த கட்சியின் தலைவர் அனுரகுமார திஸாநாயக்கவை அறிவித்தது.
செப்டம்பர்
- இரண்டாம் திகதி இலங்கையின் 2வது தென்னை முக்கோணத்தை உருவாக்க வட மாகாணத்தில் உள்ள யாழ்ப்பாணம், மன்னார் மற்றும் முல்லைத்தீவு மாவட்டங்கள் இணைக்கப்பட்டுள்ளன.
- ஆறாம் திகதி இலங்கையின் முன்னாள் கிரிக்கெட் வீரர் சசித்ர சேனநாயக்க மேட்ச் பிக்சிங் குற்றச்சாட்டின் பேரில் கைது செய்யப்பட்டார்.
- 13ஆம் திகதி பாதாள உலக நபரும் போதைப்பொருள் கடத்தல்காரருமான சஞ்சீவ குமார எனும் ‘கனேமுல்ல சஞ்சீவா’ BIA இல் கைது செய்யப்பட்டார்.
- 17ஆம் திகதி சுதந்திர மக்கள் முன்னணியின் நாடாளுமன்ற உறுப்பினர் உத்திக பிரேமரத்ன அனுராதபுரத்தில் உள்ள அவரது இல்லத்தில் வைத்து படுகொலை முயற்சி மேற்கொள்ளப்பட்டது.
- 25ஆம் திகதி இலங்கை மகளிர் கிரிக்கெட் அணி 2022 ஆசிய விளையாட்டுப் போட்டிகளில் இந்தியாவிடம் 19 ஓட்டங்கள் வித்தியாசத்தில் தோல்வியடைந்து வெள்ளிப் பதக்கத்தை வென்றது.
ஒக்டோபர்
- ஆறாம் திகதி இலங்கையின் உச்ச நீதிமன்றம் ஒரு முக்கியத் தீர்ப்பை ஏகமனதாக நிறைவேற்றியது, ஒரு அரசியல் கட்சி அதன் உறுப்பினர்களில் ஒருவரை வெளியேற்றுவதற்கான அதிகாரத்தை அங்கீகரித்தது, இதனால் பாராளுமன்றத்திலிருந்து ஒருவர் நீக்கப்படுவதை உறுதி செய்தது.
- இதன் மூலம் முன்னாள் சுற்றாடல் அமைச்சர் அஹமட் நசீர் ஜைனுலாப்தீன் தனது கட்சியான ஸ்ரீலங்கா முஸ்லிம் காங்கிரஸிலிருந்து நீக்கப்பட்டதுடன், பாராளுமன்ற உறுப்பினர் மற்றும் அமைச்சு பதவியும் பறிக்கப்பட்டது.
- ஆறாம் திகதி கொழும்பில் ஓடும் பேருந்தின் மீது பெரிய மரம் விழுந்ததில் ஐவர் உயிரிழந்துள்ளதுடன் மேலும் ஐவர் காயமடைந்துள்ளனர்.
- ஆறாம் திகதி இன மற்றும் மத குழுக்களிடையே நல்லிணக்கத்தை குலைக்கும் வகையில் பேசியதற்காக ஜோதிடர் இந்திக்க தோட்டவத்த கைது செய்யப்பட்டார்.
- 11ஆம் திகதி முன்னாள் அமைச்சர் அஹமட் நசீர் ஜைனுலாப்தீனின் பாராளுமன்ற ஆசனம் தகுதி நீக்கம் செய்யப்பட்டதைத் தொடர்ந்து ஸ்ரீலங்கா முஸ்லிம் காங்கிரஸின் செயிட் அலி சாஹிர் மௌலானா மட்டக்களப்பு தேர்தல் மாவட்ட பாராளுமன்ற உறுப்பினராக நியமிக்கப்பட்டார்.
- 16ஆம் திகதி அனுராதபுரம் போதனா வைத்தியசாலையின் நரம்பியல் அறுவை சிகிச்சைப் பிரிவு மூளைக் கட்டியைப் பிரிப்பதற்காக மூளை அறுவை சிகிச்சையை வெற்றிகரமாக மேற்கொண்டது.
- 17ஆம் திகதி கொழும்பில் உள்ள காஸல் ஸ்ட்ரீட் வைத்தியசாலையில் ராகமாவைச் சேர்ந்த ஒரு பெண் ஆண் குழந்தைகளைப் பெற்றெடுத்தார்.
- 23ஆம் திகதி அஹமட் நசீர் ஜைனுலாப்தீன் பதவி நீக்கம் செய்யப்பட்டதைத் தொடர்ந்து, புதிய சுற்றாடல் அமைச்சராக கெஹலிய ரம்புக்வெல்லவும், விவசாயம் மற்றும் தோட்டத் தொழில் அமைச்சராக மஹிந்த அமரவீரவும், புதிய சுகாதார அமைச்சராக டொக்டர் ரமேஷ் பத்திரனவும் பதவிப் பிரமாணம் செய்துகொண்டனர்.
நவம்பர்
- மூன்றாம் திகதி 2023 கிரிக்கெட் உலகக் கோப்பையில் இந்தியாவிடம் இலங்கை 302 ஓட்டங்கள் வித்தியாசத்தில் தோல்வியடைந்ததை அடுத்து, பயிற்சியாளர் மற்றும் தேர்வாளர்களிடமிருந்தும் விரிவான விளக்கத்தை இலங்கை கிரிக்கெட் கோரியது.
- மூன்றாம் திகதி விளையாட்டு அமைச்சர் ரோஷன் ரணசிங்க, இலங்கை கிரிக்கெட்டின் நிர்வாகக் குழு மற்றும் தேர்வுக் குழுவை உடனடியாக தங்கள் பதவிகளில் இருந்து விலகுமாறு கோரிக்கை விடுத்தாார்.
- நான்காம் திகதி உலக ரக்பி பேரவை இலங்கை ரக்பி மீது விதிக்கப்பட்ட தற்காலிக தடையை நீக்கியது.
- ஆறாம் திகதி விளையாட்டு அமைச்சர் ரோஷன் ரணசிங்க, அர்ஜுன ரணதுங்க தலைமையிலான ஏழு பேர் கொண்ட இடைக்காலக் குழுவை இலங்கை கிரிக்கெட்டுக்காக நியமித்தார்.
- ஆறாம் திகதி பங்களாதேஷுக்கு எதிரான ஒருநான் உலகக் கிண்ணப் போட்டியின் போது, இலங்கை கிரிக்கெட் வீரர் ஏஞ்சலோ மேத்யூஸ் சர்வதேச கிரிக்கெட்டில் “டைம் அவுட்” செய்யப்பட்ட முதல் துடுப்பாட்ட வீரர் ஆனார்.
- ஏழாம் திகதி மே மாதம் 23ஆம் திகதி தங்கம் மற்றும் கைத்தொலைபேசிகளை கடத்தியதற்காக கைது செய்யப்பட்ட பாராளுமன்ற உறுப்பினர் அலி சப்ரி ரஹீமின் கட்சி அங்கத்துவத்தை அகில இலங்கை மக்கள் காங்கிரஸ் ரத்து செய்தது.
- 10ஆம் திகதி இலங்கை கிரிக்கெட் நடவடிக்கைகளில் அரசாங்கம் தலையிடுவதால் சர்வதேச கிரிக்கெட் பேரவை இலங்கையை சர்வதேச கிரிக்கெட்டில் இருந்து இடைநீக்கம் செய்தது
- 13ஆம் திகதி முன்னாள் இலங்கை கிரிக்கெட் வீரர் அரவிந்த டி சில்வா 2023 ஆம் ஆண்டின் ஐசிசி கிரிக்கெட் ஹால் ஆஃப் ஃபேமில் சேர்க்கப்பட்டார்.
- 21ஆம் திகதி சர்வதேச கிரிக்கெட் பேரவை இலங்கை கிரிக்கெட்டை இடைநிறுத்தியதைத் தொடர்ந்து, 2024 ஆம் ஆண்டு 19 வயதுக்குட்பட்ட கிரிக்கெட் உலகக் கோப்பைக்கான ஹோஸ்டிங் உரிமைகள் இலங்கையில் இருந்து தென்னாப்பிரிக்காவிற்கு மாற்றப்பட்டன.
- 27ஆம் திகதி அமைச்சரவை அமைச்சர் ரொஷான் ரணசிங்கவின் அனைத்து அமைச்சுப் பதவிகளும் ஜனாதிபதி ரணில் விக்கிரமசிங்கவினால் பறிக்கப்பட்டது. விளையாட்டு மற்றும் இளைஞர் விவகார அமைச்சராக ஹரின் பெர்னாண்டோ நியமிக்கப்பட்டார்.
டிசம்பர்
- இரண்டாம் திகதி சுமார் 180 பல்கலைக்கழக மாணவர்கள் சீரற்ற காலநிலை காரணமாக ஹந்தான மலைத்தொடரில் மலையேற்றத்தின் போது சிக்கி காணமல் போயிருந்த நிலையில் மீட்கப்பட்டனர்.
- நான்காம் திகதி விளையாட்டு அமைச்சர் ஹரின் பெர்னாண்டோ, முன்னாள் சர்வதேச கிரிக்கெட் வீரர் உபுல் தரங்கா தலைமையில் இலங்கை கிரிக்கெட்டுக்கான புதிய தேர்வுக் குழுவை நியமித்தார்.
- ஏழாம் திகதி ரஷ்ய – உக்ரைன் போரில் உக்ரைனைப் பாதுகாப்பதற்கான சர்வதேசப் படையில் இணைக்கப்பட்ட மூன்று இலங்கையர்கள் போர்க்களத்தில் கொல்லப்பட்டனர்.
- எட்டாம் திகதி சிலாபத்தின் புதிய ஆயராக திருத்தந்தை பிரான்சிஸ் திருத்தந்தை ஆராச்சிகே டொன் விமல் சிறி அப்புஹாமி ஜயசூரியவை நியமித்தார்.
- ஒன்பதாம் திகதி தொழில்நுட்ப கோளாறு காரணமாக நாடு முழுவதும் மின் தடை ஏற்பட்டது.
- 14ஆம் திகதி முன்னாள் கிரிக்கெட் வீரர் சனத் ஜெயசூர்யாவை கிரிக்கெட் ஆலோசகராக இலங்கை கிரிக்கெட் நியமித்தது.
- 15ஆம் திகதி ஸ்ரீலங்கா பொதுஜன பெரமுனவின் தேசிய மாநாடு ஆரம்பம். முன்னாள் ஜனாதிபதி மகிந்த ராஜபக்ச மீண்டும் கட்சியின் தலைவராக நியமிக்கப்பட்டார்.
- 24ஆம் திகதி “ஆபரேஷன் யுக்தியா”[154] என்று அழைக்கப்படும் ஒரு வாரகால இராணுவ ஆதரவுடன் போதைப்பொருள் தடுப்பு நடவடிக்கையின் போது 14,766 பேர் கைது செய்யப்பட்டதாக இலங்கை காவல்துறை அறிவித்தது.
- 25ஆம் திகதி பாதாள உலகப் பிரமுகர் டான் இந்திகா என்ற ‘மன்னா ரோஷன்’ மற்றும் அவரது கூட்டாளி இரண்டு போட்டி பாதாள உலகக் கும்பல்களுக்கு இடையிலான மோதலின் போது கொல்லப்பட்டனர்.
