நயன்தாரா நடித்திருக்கும் அன்னபூரணி திரைப்படம் எப்போது வெளியாகும் என்ற தகவலை தயாரிப்பு நிறுவனம் அறிவித்துள்ளது.
நடிகை நயன்தாரா அன்னபூரணி என்ற திரைப்படத்தில் முன்னணி கதாபாத்திரத்தில் நடித்திருக்கிறார். அவரை சுற்றி கதை எழுதப்பட்டுள்ளது. இந்த திரைப்படத்தை நிகிலேஷ் என்பவர் இயக்கி இருக்கிறார். இவர் இயக்குனர் ஷங்கரிடம் உதவியாளராக இருந்து இயக்குனராக மாறியுள்ளார்.
அன்னபூரணி திரைப்படத்திற்கான வேலைகள் இறுதி கட்டத்தை எட்டியுள்ளன. இதன் காரணமாக படத்தின் வெளியீட்டு தேதியை தயாரிப்பு நிறுவனம் அறிவித்திருக்கிறது. அதில் டிசம்பர் 1ம் தேதி இந்த திரைப்படம் வெளியாகும் என்று கூறப்பட்டுள்ளது. அன்னபூரணி என தலைப்பு வைக்கப்பட்டிருக்கும் இந்த திரைப்படத்தில், நயன்தாரா சமையல் கலை நிபுணராக (Chef) நடித்திருக்கிறார்.
ஐயங்கார் இல்லத்துப் பெண் அன்னபூரணி என்ற பெயரில் அசைவம் சமையல் குறிப்புகளை பார்ப்பது போன்று வெளியான படத்தின் டீசருக்கு சர்ச்சை உருவானது.
இந்நிலையில், படமும் சில சர்ச்சைகளை கிளப்பலாம் என்று எதிர்பார்க்கப்படுகிறது. இந்நிலையில் தயாரிப்பு நிறுவனம் படத்திற்கான வெளியீட்டு தேதியை டிசம்பவர் 1ம் தேதி என்று அதிகாரப்பூர்வமாக அறிவித்துள்ளது.
