இலங்கையிலிருந்து 3,500 பேர் 2027 ஹஜ் பயணம் செய்ய வாய்ப்பு – சவூதியுடன் ஒப்பந்தம் கைச்சாத்து!
2027 ஆம் ஆண்டுக்கான ஹஜ் யாத்திரைக்காக இலங்கைக்கு 3,500 யாத்திரிகர்களுக்கான ஒதுக்கீடு வழங்கப்பட்டுள்ளது.
இதற்கான உத்தியோகபூர்வ இருதரப்பு ஒப்பந்தம் கடந்த நவம்பர் 09ஆம் திகதி சவூதி அரேபியாவின் ஜித்தா நகரில் கைச்சாத்திடப்பட்டது.
இலங்கை சார்பில் சமய மற்றும் கலாசார அலுவல்கள் பிரதி அமைச்சர் முனீர் முளப்பரும், சவூதி அரேபியா சார்பில் ஹஜ் மற்றும் உம்ரா பிரதி அமைச்சர் கலாநிதி அப்துல் பதா பின் சுலைமான் மாஷத்தும் ஒப்பந்தத்தில் கையெழுத்திட்டனர்.
இதன்போது, 2027 ஹஜ் யாத்திரைக்கான ஏற்பாடுகள், ஒழுங்குவிதிகள் மற்றும் சேவைகளை மேம்படுத்துவது தொடர்பிலும் இரு தரப்பு அதிகாரிகள் கலந்துரையாடியுள்ளனர்.
