சர்வதேச கணித, விஞ்ஞான ஒலிம்பியாட்டில் 13 பதக்கங்களை வென்ற இலங்கை மாணவர்கள்!
இந்தோனேசியாவின் மேற்கு ஜாவாவில் அக்டோபர் 2 முதல் 6 வரை நடைபெற்ற சர்வதேச கணித மற்றும் விஞ்ஞான ஒலிம்பியாட் போட்டியில் 13 பதக்கங்களை வென்ற இலங்கை மாணவர்கள் அக்டோபர் 7 அன்று நாடு திரும்பினர்.
23 நாடுகள் பங்கேற்ற இப்போட்டியில் இலங்கையைப் பிரதிநிதித்துவப்படுத்தி 24 மாணவர்கள் கலந்துகொண்டனர். இதில் கணிதப் பிரிவில் 2 வெள்ளி மற்றும் 6 வெண்கலப் பதக்கங்களும், விஞ்ஞானப் பிரிவில் 1 வெள்ளி மற்றும் 4 வெண்கலப் பதக்கங்களும் பெறப்பட்டன.
பாடசாலை மற்றும் தேசிய மட்டப் போட்டிகள் மூலம் தேர்ந்தெடுக்கப்பட்ட இம்மாணவர்களுக்கான முழு விமானப் பயணச் சீட்டுச் செலவுகளையும் முதன்முறையாகக் கல்வி, உயர்கல்வி மற்றும் தொழிற்கல்வி அமைச்சு ஏற்றுக்கொண்டு வழங்கியமை குறிப்பிடத்தக்கது.
