லண்டனில் நடைபெற்ற பிபா விருது வழங்கும் விழாவில் 2023 ஆம் ஆண்டுக்கான சிறந்த ஆடவர் வீரருக்கான விருதினை லியோனல் மெஸ்ஸி வென்றுள்ளார்.
மூன்றாவது முறையாகவும் மெஸ்ஸி இந்த விருதினை வெல்வது விசேட அம்சமாகும்.
உலகெங்கிலும் உள்ள கால்பந்து ரசிகர்களை திகைக்க வைத்த அர்ஜென்டினா சூப்பர் ஸ்டார், இதன் மூலம் 2022 ஆம் ஆண்டு வென்ற பிபா சிறந்த வீரருக்கான விருதினை மீண்டும் தக்க வைத்துள்ளார்.
2023 பிபா சிறந்த கால்பந்து விருதுகள் விழாவில் மெஸ்ஸி, 2022 டிசம்பர் 19 முதல் 2023 ஆகஸ்ட் 20 ஆம் திகதி வரை கால்பந்து அரங்கில் மிகவும் விதிவிலக்கான செயல்திறனுக்கான விருதுக்காக அங்கீகரிக்கப்பட்டிருந்தார்.
இறுதிப் போட்டியாளர்களான எர்லிங் ஹாலண்ட் மற்றும் கைலியன் எம்பாப்பே ஆகியோரை தோற்கடித்து வாக்களிப்பில் முதலிடம் பெற்று விருதினை தனதாக்கினார்.
மெஸ்ஸி முன்னதாக 2022 மற்றும் 2019 ஆம் ஆண்டுகளில் பிபா சிறந்த ஆடவருக்கான விருதினை வென்றார்.
மேலும் 2009, 2010, 2011, 2012 மற்றும் 2015 ஆகிய ஐந்து சந்தர்ப்பங்களில் ஆண்கள் விளையாட்டில் முன்னணி வீரராக பிபாவால் அங்கீகரிக்கப்பட்டார்.
இது அவரது எட்டாவது தனிநபர் விருதாகும்.
இதேவேளை 2023 ஆம் ஆண்டுக்கான சிறந்த மகளிர் வீரருக்கான விருதினை ஐடானா பொன்மேட்டி வென்றமையும் குறிப்பிடத்தக்கது.
