திருகோணமலை மாவட்டம் உப்புவெளி பொலிஸ் நிலைய அதிகாரிகள் மேற்கொண்ட தேடுதலில் கஞ்சா மற்றும் போதை மாத்திரைகளை தன்வசம் வைத்திருந்த பாடசாலை ஆசிரியரும் விகாரை ஒன்றின் விகாராதிபதியுமான பௌத்த பிக்குவை கைது செய்துள்ளனர்.
ஆனதம்குளம சோமரதன என்ற இந்த பௌத்த பிக்கு 4 ஆம் கட்டை பிரதேசத்தில் உள்ள விகாரை ஒன்றின் விகாராதிபதியாக கடமையாற்றி வருகின்றார்.
உப்புவெளி பொலிஸ் நிலையத்திற்கு கிடைத்த முறைப்பாட்டுக்கு அமைய தேடுதலை மேற்கொண்ட அதிகாரிகள், 17 போதை மாத்திரைகள்,80 மில்லி கிராம் கஞ்சா,அடமானப் பொருட்களாக பெறப்படட 4 செல்போன்கள், ஒரு தொலைக்காட்சி,2 எரிவாயு கொள்கலன்கள்,சாரதி அனுமதிப்பத்திரம்,4 தேசிய அடையாள அட்டைகளை பிக்குவிடம் இருந்து கைப்பற்றியுள்ளனர்.
கைது செய்யப்பட்ட பௌத்த பிக்கு தொடர்பில் உப்புவெளி பொலிஸார் மேலதிக விசாரணைகளை மேற்கொண்டு வருகின்றனர்.
