வைரலாகும் சீனாவின் புதிய AI வீடியோ மொடல்! எலான் மஸ்க் பாராட்டு!
சீனாவின் (China) ByteDance நிறுவனம் உருவாக்கியுள்ள புதிய AI வீடியோ மொடல் (AI video model) இணையத்தில் வைரலாகி வருகிறது. எலான் மஸ்க் (Elon Musk) உட்பட பலரும் இந்த மொடலை பாராட்டி வருகின்றனர்.
இந்த மொடல் DeepSeek நிறுவனத்தின் மொடலை விட சிறந்தது என்று கூறப்படுகிறது. சில கட்டளைகளை மட்டும் கொடுத்தால் சினிமா திரைப்படங்கள் போல வீடியோக்களை உருவாக்கும் திறன் கொண்டது.
OpenAI நிறுவனத்தின் ChatGPT மற்றும் DeepSeek நிறுவனத்தின் R1 போன்ற டெக்ஸ்ட் AI மொடல்கள் பிரபலமாக உள்ளன. ஆனால் வீடியோ மற்றும் படங்களை உருவாக்கும் மொடல்கள் தொழில்நுட்பத்தில் அடுத்த கட்டத்திற்கு கொண்டு செல்லும் என்று கூறப்படுகிறது.
ByteDance நிறுவனம் Seedance 2.0 என்ற மொடலை அறிமுகப்படுத்தியுள்ளது. இந்த மொடல் திரைப்படம், இ-காமர்ஸ் (e-commerce) மற்றும் விளம்பர தயாரிப்புகளுக்கு ஏற்றது. ஏனெனில் இது டெக்ஸ்ட் (text), படங்கள், ஆடியோ (audio) மற்றும் வீடியோவை ஒரே நேரத்தில் செயலாக்கும் திறன் கொண்டது. இதன் மூலம் குறைந்த செலவில் வீடியோக்களை உருவாக்க முடியும்.
சீனாவின் DeepSeek நிறுவனம் உருவாக்கிய R1 மற்றும் V3 மொடல்கள் உலக அளவில் பிரபலமானது. அதேபோல Seedance 2.0 மொடலும் பிரபலமாகும் என்று எதிர்பார்க்கப்படுகிறது.
சீன சமூக ஊடகங்களில் Seedance 2.0 மொடலை பலரும் பாராட்டி வருகின்றனர்.
“கடந்த ஆண்டு DeepSeek-R1 மொடல் அமெரிக்க தொழில்நுட்ப சமூகத்தில் பெரும் விவாதத்தை ஏற்படுத்தியது. இந்த ஆண்டு Seedance 2.0 மற்றும் இதே போன்ற கண்டுபிடிப்புகள் சிலிக்கான் பள்ளத்தாக்கில் (Silicon Valley) சீனாவின் மீது ஒரு பெரிய அபிமானத்தை ஏற்படுத்தியுள்ளது” என்று சீன அரசு ஊடகமான குளோபல் டைம்ஸ் (Global Times) தெரிவித்துள்ளது.
உலகின் நம்பர் ஒன் பணக்காரரான எலான் மஸ்க் (Elon Musk) Seedance 2.0 மொடலை பாராட்டி கருத்து தெரிவித்துள்ளார்.
சீனாவின் Weibo சமூக வலைத்தளத்தில் பயனர்கள் AI மொடல் உருவாக்கிய வீடியோக்களை பகிர்ந்து வருகின்றனர். இந்த வீடியோக்கள் பார்ப்பதற்கு மிகவும் தத்ரூபமாக உள்ளன.
ஒரு வீடியோவில் ராப்பர் யே (Rapper Ye), கிம் கர்தாஷியன் (Kim Kardashian) ஆகியோர் சீன அரண்மனையில் நடக்கும் நாடகத்தில் நடித்திருப்பது போல உள்ளது. அவர்கள் மாண்டரின் மொழியில் (Mandarin language) பேசுகிறார்கள் மற்றும் பாடுகிறார்கள். இந்த வீடியோ Weibo-வில் ஒரு மில்லியன் முறை பார்க்கப்பட்டுள்ளது.
Seedance 2.0 தொடர்பான ஹேஷ்டேக்குகள் Weibo-வில் மில்லியன் கணக்கான கிளிக்குகளை பெற்றுள்ளன. “DeepSeek முதல் Seedance வரை சீனாவின் AI வெற்றி பெற்றுள்ளது” என்று பெய்ஜிங் டெய்லி (Beijing Daily) செய்தி வெளியிட்டுள்ளது.
