மாத்தளையில் குரங்குகளுக்கு கருத்தடை சிகிச்சை ஆரம்பம் 

மாத்தளையில் குரங்குகளுக்கு கருத்தடை சிகிச்சை ஆரம்பம்

பயிர் அழிவை நிவர்த்தி செய்யும் முயற்சியாக குரங்குகளுக்கு கருத்தடை செய்யும் முன்னோடி வேலைத்திட்டம் மாத்தளையில் இன்று ஆரம்பமாகிறது.

பல கால்நடை மருத்துவர்களின் ஆதரவைப் பெற்ற இத்திட்டத்திற்கு விவசாய அமைச்சு 4.5 மில்லியன் ரூபாவை ஒதுக்கீடு செய்துள்ளது.

குரங்குகள் கிரிதலேயில் உள்ள வனவிலங்கு ஆராய்ச்சி மற்றும் பயிற்சி மையத்திற்கு கொண்டு செல்லப்பட்டு, அங்கு அவை கருத்தடை செய்யப்பட்டு, பின்னர் மீண்டும் காட்டுக்கு விடப்படும்.

விவசாய அமைச்சு இத்திட்டத்தை எதிர்வரும் காலங்களில் நாடளாவிய ரீதியில் விரிவுபடுத்த உத்தேசித்துள்ளது.

இதேவேளை, பயிர்களை அழிக்கும் குரங்குகள் தொடர்பில் நாடாளுமன்றத்தில் அண்மையில் அவர் தெரிவித்த கருத்து தொடர்பில் கருத்து தெரிவித்த விவசாய அமைச்சர் கே.டி.லால்காந்த, இந்த அச்சுறுத்தலைக் கட்டுப்படுத்த வேண்டியதன் அவசியத்தை மட்டுமே தாம் எடுத்துரைத்ததாகக் கூறினார்.

குரங்குகள் கொல்லப்படுவது குறித்து சுற்றுச்சூழல் ஆர்வலர்கள் கவலை தெரிவித்து வருவதாகக் கூறிய அமைச்சர், விவசாயிகளின் வாழ்வாதாரத்திற்கு உதவுவது அச்சுறுத்தலைக் கட்டுப்படுத்துவது மட்டுமே தனது நோக்கமாகும் என்றார்.

“சுற்றுச்சூழலியலாளர்கள் இந்த உரையாடலில் ஈடுபட்டது நல்லது என்று நான் நினைக்கிறேன். இது தொடர்பாக நாடு முழுவதும் விழிப்புணர்வை ஏற்படுத்த எண்ணினேன். தற்போது பல்வேறு கட்சிகளின் தலையீடு இதை சாதித்துள்ளது. அனைத்து தரப்பினரும் ஒன்றிணைந்து விரைந்து தீர்வு காண வேண்டும். நீண்ட கால தீர்வுகள் செயல்படுத்தப்படும் நேரத்தில், இந்த அச்சுறுத்தலால் விவசாயிகள் விவசாயத்தை கைவிட்டிருப்பார்கள்,” என்றார்.