வேலையில்லா பட்டதாரி படத்தை இயக்கிய வேல்ராஜ் தற்போது சசிகுமார் நடிப்பில் புதிய திரைப்படத்தை இயக்குகிறார்.
தனுஷ் நடிப்பில் வெளியாகி வெற்றி அடைந்த திரைப்படம் வேலையில்லா பட்டதாரி. இந்த திரைப்படத்தை பிரபல ஒளிப்பதிவாளர் வேல்ராஜ் இயக்கியிருந்தார். அவரின் முதல் இயக்கத்தில் வெளியான அந்த திரைப்படம் வசூல் ரீதியாக பெரும் வெற்றியடைந்தது.
அதற்குப் பிறகு ஒளிப்பதிவில் மட்டும் கவனம் செலுத்திய வேல்ராஜ், தனுஷ் நடிப்பில் மீண்டும் தங்க மகன் என்ற திரைப்படத்தை இயக்கினார். அந்த திரைப்படம் எதிர்பார்த்த அளவிற்கு வெற்றியடையவில்லை. இந்த நிலையில் வெற்றிமாறனின் விடுதலை, விடுதலை 2 ஆகிய படங்களுக்கு ஒளிப்பதிவு செய்து வந்த வேல்ராஜ் தற்போது மீண்டும் இயக்கத்திற்கு திரும்பி இருக்கிறார்.
அவர் இயக்கும் அடுத்த திரைப்படத்தில் சசிகுமார் நாயகனாக நடிக்கிறார். இதற்கான அதிகாரப்பூர் அறிவிப்பை படக்குழுவினர் வெளியிட்டுள்ளனர். மேலும் அந்த திரைப்படத்தின் படப்பிடிப்பு விரைவில் தொடங்கும் எனவும் தெரிவித்திருக்கின்றனர்.
இயக்குனர் மற்றும் நாயகன் அறிவிப்பை வெளியிட்ட படக்குழு மற்ற தொழில்நுட்ப கலைஞர்கள் மற்றும் நடிகர்கள் படப்பிடிப்பு சமயத்தில் அறிவிக்க திட்டமிட்டு இருக்கின்றனர். அந்த திரைப்படத்தை அசுரகுரு, சிங்க பெண்ணே உள்ளிட்ட படங்களை தயாரித்த சதீஷ்குமார்.
