மட்டக்களப்பு செங்கலடி பிரதேச செயலகப்பிரிவிலுள்ள உறுகாமம் கிராமத்தில் காட்டு யானைகளின் அட்டகாசம் காரணமாக வீடுகள், தோட்டங்கள் மற்றும் மின்சார கம்பங்கள் நாசமாகியுள்ளதாக தெரிவிக்கப்பட்டுள்ளது.
வீடுகளையும் பயிர்ச் செய்கையையும் அழித்து நாசமாக்கியுள்ளதுடன் மக்கள் மயிரிழையில் காயங்களுடன் ஓடித் தப்பியுள்ளதாக தெரிவிக்கப்பட்டுள்ளது.
இச் சம்பவம் நேற்று திங்கட்கிழமை (18) அதிகாலை சுமார் 1.30 மணியளவில் இடம் பெற்றுள்ளதாக தெரிவிக்கப்பட்டுள்ளது.
காட்டு யானைகளின் அட்டகாசம்
காட்டு யானைகள் ஊருக்குள் நுழைந்து காணிகளுக்குள் உட்பிரவேசித்து அங்குள்ள வாழை மரத்தோட்டத்தை நாசம் செய்துள்ளது.
யானைகளின் அட்டகாசம் தொடர்பாக அதிகாரியிடம் பல தடவைகள் எடுத்துக் கூறியும் எதுவும் நடைபெறவில்லை எனவும் அப்பகுதி மக்கள் கவலை தெரிவித்துள்ளனர்.
மேலும் யானைகளின் வருகையினால் அச்சமுற்ற பொது மக்கள் கிராமத்தை விட்டு வெளியேறி வருவதாக தெரிவிக்கப்பட்டுள்ளது.
