வெளிநாட்டு ஊழியர்களுக்கு நற்செய்தி – விதிகளைத் தளர்த்திய டென்மார்க் – டிசம்பர் முதல் விண்ணப்பிக்கலாம்!
டென்மார்க்கில் தொழில்முறை வாழ்க்கை மற்றும் நிரந்தரக் குடியிருப்பை எதிர்பார்க்கும் வெளிநாட்டு ஊழியர்களுக்கு ஒரு மகிழ்ச்சியான செய்தி வெளியாகியுள்ளது.
டென்மார்க் அரசு ‘கூட்டு ஒப்பந்தத் திட்டம்’ (Collective Agreement Scheme) என்ற புதிய பணி அனுமதி விதியை 2027 ஜனவரி 1 முதல் அமல்படுத்தவுள்ளது.
இப்புதிய விதியின் மூலம், நிறுவனங்கள் குறைந்தபட்சச் சம்பள வரம்பில் வெளிநாட்டு ஊழியர்களை எளிதாகப் பணியமர்த்த முடியும்.
இத்திட்டத்திற்கான சட்டத்திற்கு டென்மார்க் நாடாளுமன்றம் (Folketing) கடந்த செப்டம்பர் 3 அன்று ஒப்புதல் அளித்தது.
இதற்கான தொடக்கத் திகதியை பன்னாட்டு ஆட்சேர்ப்பு மற்றும் ஒருங்கிணைப்புக்கான டென்மார்க் முகமை அக்டோபர் 13 அன்று அதிகாரப்பூர்வமாக அறிவித்தது.
இத்திட்டத்தின் கீழ் விண்ணப்பிக்கும் பணியாளர்களுக்கு ஆண்டுக்குக் குறைந்தபட்சம் 3,22,000 DKK சம்பளம் வழங்கப்பட வேண்டும்.
பணியமர்த்தும் வேலைவாயப்பானது முதலாளிகள் மற்றும் தொழிற்சங்கங்களுக்கு இடையேயான கூட்டு ஒப்பந்தத்தின் கீழ் அங்கீகரிக்கப்பட்டதாக இருக்க வேண்டும்.
அங்கீகரிக்கப்பட்ட மற்றும் சான்றளிக்கப்பட்ட நிறுவனங்கள் மட்டுமே இத்திட்டத்தின் கீழ் வெளிநாட்டு ஊழியர்களைத் தேர்ந்தெடுக்க முடியும்.
தகுதியான ஊழியர்கள் அரசு அங்கீகரித்துள்ள 16 குறிப்பிட்ட நாடுகளில் ஒன்றைச் சேர்ந்த குடிமக்களாக இருக்க வேண்டும்.
ஐரோப்பிய ஒன்றிய அல்லாத முதலீட்டு நாடுகள், EU-வில் இணைய பேச்சுவார்த்தை நடத்தும் நாடுகள் மற்றும் இருதரப்பு ஒப்பந்தம் செய்த நாடுகள் இப்பட்டியலில் இடம்பெறும்.
ஊழியர்களின் சம்பள விவரங்கள் மற்றும் பணிச்சூழலைச் சோதிக்கத் தொழிற்சங்கங்களுக்கு முழு அதிகாரமும் கண்காணிப்பு உரிமையும் வழங்கப்பட்டுள்ளது.
தவறான தகவல்கள் வழங்கப்பட்டால் அல்லது ஒப்பந்த மீறல்கள் கண்டறியப்பட்டால் தற்காலிகப் பணி அனுமதி உடனடியாக ரத்து செய்யப்படும்.
நிறுவனங்கள் இத்திட்டத்திற்கான சான்றிதழ் பெற 2026 டிசம்பர் தொடக்கம் முதல் விண்ணப்பிக்கலாம்.
வெளிநாட்டு ஊழியர்களுக்கான வீசா மற்றும் பணி அனுமதி விண்ணப்பச் செயல்பாடுகள் 2027 ஜனவரி 1 முதல் அதிகாரப்பூர்வமாகத் தொடங்கும்.
இப்புதிய நடைமுறை டென்மார்க்கில் வேலை தேடும் உலகளாவிய திறமையாளர்களுக்குப் பெரிய வாய்ப்பாக அமையும் எனக் கருதப்படுகிறது.
