சவூதி அரேபியாவில் இலங்கைத் தூதுவரின் முக்கிய சந்திப்பு
சவூதி அரேபியாவிற்கான இலங்கைத் தூதுவர் அமீர் அஜ்வாத், சவூதி அரேபியாவின் பொது இராஜதந்திரத்திற்கான துணை அமைச்சர் ராயித் பின் அப்துல்லா அல்-குர்மைலியை சந்தித்து இருதரப்பு ஒத்துழைப்பை மேலும் வலுப்படுத்துவது தொடர்பாக கலந்துரையாடியுள்ளார்.
ரியாத்திலுள்ள இலங்கைத் தூதரகம் தெரிவித்ததன்படி, இரு தரப்பினரும் பரஸ்பர நலன் சார்ந்த பல்வேறு விடயங்கள் குறித்து கருத்துகளைப் பரிமாறிக்கொண்டனர்.
மேலும், இலங்கை மற்றும் சவூதி அரேபியா இடையிலான உறவுகள், ஒத்துழைப்பு மற்றும் ஈடுபாடுகளை விரிவுபடுத்துவதற்கான புதிய வாய்ப்புகள் குறித்தும் ஆராயப்பட்டது.
இரு நாடுகளுக்கும் இடையிலான நீண்டகால நட்புறவை மேலும் வலுப்படுத்துவதற்கான உறுதிப்பாட்டையும் இந்தச் சந்திப்பு மீள வலியுறுத்தியது.
