பிரான்சில் வேலை இருந்தும் வாழ்க்கை நடத்த முடியவில்லையா?
பிரான்ஸ் மக்களின் பொருளாதார நிலை குறித்து வெளியான புதிய ஆய்வு!
ஐரோப்பாவின் முக்கிய பொருளாதார நாடுகளில் ஒன்றான பிரான்ஸிலும் வாழ்க்கைச் செலவு பல குடும்பங்களுக்கு பெரும் சவாலாக மாறியுள்ளது.
புதிய ஆய்வின்படி, பிரான்ஸ் மக்களில் இருவரில் ஒருவர் தங்களால் கண்ணியமான வாழ்க்கையை நடத்துவதற்குத் தேவையான செலவுகளைச் சமாளிப்பது கடினமாக இருப்பதாகத் தெரிவித்துள்ளனர்.
ஆய்வில் வெளியான முக்கியத் தகவல்கள்:
• 50% பேர் கடந்த ஆறு மாதங்களில் தாங்கள் விரும்பிய தரமான உணவுப் பொருட்களை வாங்குவதைக் குறைத்துள்ளனர்.
• 19% பேர் பணப் பற்றாக்குறையால் சில நேரங்களில் உணவையே தவிர்த்துள்ளனர்.
• 59% பேர் எதிர்கால மின்சார விலை உயர்வு குறித்து கவலைப்படுகின்றனர்.
• 35% பேர் அவசரமான நிதி நெருக்கடி ஏற்பட்டால் உதவக்கூடிய போதுமான நபர்கள் தங்களிடம் இல்லை எனக் கூறியுள்ளனர்.
இந்த ஆய்வு 12,000 பிரான்ஸ் மக்களிடம் நடத்தப்பட்ட Ipsos-BVA கருத்துக் கணிப்பை அடிப்படையாகக் கொண்டது.
பிரான்ஸில் வாழ்க்கைச் செலவு மக்களை எந்த அளவுக்குப் பாதிக்கிறது என்பதை இந்தப் புள்ளிவிவரங்கள் வெளிப்படுத்துகின்றன.
உங்கள் கருத்து என்ன?
பிரான்ஸில் வாழும் குடும்பங்களுக்கு வீட்டு வாடகை, உணவு மற்றும் மின்சாரக் கட்டணங்கள் மிகப்பெரிய சவாலாக மாறியுள்ளனவா?
