பூமிக்கு இனி எப்போதும் இலவச மின்சாரம்!
நிலவைச் சுற்றி பிரம்மாண்ட சோலார் வளையம் அமைக்க ஜப்பான் திட்டம்!
விண்வெளியை மையமாகக் கொண்ட சூரிய சக்தி ஆற்றல் திட்டத்தின் ஒரு பகுதியாக, நிலவைச் சுற்றி ஒரு பெரிய அளவிலான மின் உற்பத்தி அமைப்பை உருவாக்குவது குறித்து ஜப்பான் ஆய்வு செய்து வருகிறது.
பூமியில் இரவு நேரங்கள், மேகமூட்டம் அல்லது வானிலை மாற்றங்களால் சூரிய மின் உற்பத்தி பாதிக்கப்படும். ஆனால், விண்வெளியில் சூரிய ஒளி எப்போதும் கிடைப்பதால், தடையின்றி மின்சாரத்தை உற்பத்தி செய்ய முடியும்.
விண்வெளியில் உற்பத்தி செய்யப்படும் இந்த மின்சாரம், மைக்ரோவேவ் (Microwaves) அல்லது லேசர் (Lasers) தொழில்நுட்பங்களைப் பயன்படுத்தி பூமிக்கு வயர்லெஸ் முறையில் அனுப்பப்படும்.
உலகளாவிய எரிசக்தித் தேவைகள் மற்றும் சுற்றுச்சூழல் பாதுகாப்பைக் கருத்தில் கொண்டு, விண்வெளி சார்ந்த இத்தகைய ஆற்றல் அமைப்புகள் ஒரு நிலையான தீர்வாக அமையும் என எதிர்பார்க்கப்படுகிறது.
இந்தத் திட்டம் தற்போது ஆராய்ச்சி மற்றும் கோட்பாட்டு (Theoretical) நிலையிலேயே உள்ளது. இதனை நடைமுறைக்குக் கொண்டு வருவதற்கு முன்னதாக, இதன் கட்டுமானப் பொறியியல், அதிகப்படியான செலவு மற்றும் பாதுகாப்பு தொடர்பான சவால்களுக்குத் தீர்வு காணப்பட வேண்டியுள்ளது.
