அமெரிக்காவில் கண்டறியப்பட்ட “வெள்ளை தங்கம்”: 1.5 டிரில்லியன் டாலர் மதிப்பிலான லித்தியம் புதையல்!
மின்சார வாகனங்களின் (EV) இதயமாகக் கருதப்படும் லித்தியம் தாது, அமெரிக்காவின் நெவாடா – ஓரிகான் எல்லையில் அமைந்துள்ள மெக்டெர்மிட் கால்டெரா (McDermitt Caldera) எனும் பழங்கால எரிமலைப் பள்ளத்தில் அதிகளவில் இருப்பது உறுதி செய்யப்பட்டுள்ளது.
📝 இந்த இடத்தில் சுமார் 20 முதல் 40 மில்லியன் மெட்ரிக் டன் லித்தியம் இருக்கலாம் என்று ஆராய்ச்சியாளர்கள் மதிப்பிட்டுள்ளனர்.
இது உலகின் மிகப்பெரிய லித்தியம் இருப்பாகக் கருதப்படும் பொலிவியாவின் உப்புக் சமவெளிகளை விடவும் அதிகம்!
சுமார் 16 மில்லியன் ஆண்டுகளுக்கு முன்பு ஏற்பட்ட எரிமலை வெடிப்பின் காரணமாக, அங்குள்ள களிமண் அடுக்குகளில் இந்த லித்தியம் படிந்துள்ளதாக ஆய்வுகள் தெரிவிக்கின்றன.
தற்போதைய சந்தை மதிப்பின்படி இதன் மதிப்பு சுமார் 1.5 டிரில்லியன் டாலர் (இந்திய மதிப்பில் பல லட்சம் கோடி ரூபாய்) என கணக்கிடப்பட்டுள்ளது.
தற்போது லித்தியம் உற்பத்தியில் சீனா ஆதிக்கம் செலுத்தி வரும் நிலையில், இந்த கண்டுபிடிப்பு அமெரிக்காவின் பேட்டரி உற்பத்தித் துறையில் பெரும் புரட்சியை ஏற்படுத்தும் என்று எதிர்பார்க்கப்படுகிறது.
⚡ ஸ்மார்ட்போன்கள் முதல் மின்சார கார்கள் வரை அனைத்திற்கும் லித்தியம்-அயன் பேட்டரிகள் மிக அவசியம். சுற்றுச்சூழல் பாதுகாப்பு மற்றும் கார்பன் உமிழ்வைக் குறைக்க உலகம் முழுவதும் மின்சார வாகனங்களுக்கு மாறி வரும் நிலையில், இந்த “புதையல்” உலக எரிசக்தி அரசியலில் பெரிய மாற்றத்தை உருவாக்கும்.
⛏️ இங்கு சுரங்கப் பணிகளைத் தொடங்க பல நிறுவனங்கள் ஆர்வம் காட்டி வருகின்றன.
இருப்பினும், இந்தப் பகுதி பூர்வீக அமெரிக்க பழங்குடியினருக்குப் புனிதமான இடம் என்பதால், சுற்றுச்சூழல் மற்றும் கலாச்சார ரீதியான விவாதங்களும் எழுந்துள்ளன
