இலங்கை நியூசிலாந்து : நாளை மூன்றாவது போட்டி

நியூசிலாந்து, இலங்கை அணிகளுக்கிடையிலான மூன்றாவது ஒருநாள் சர்வதேசப் போட்டியானது, ஹமில்டனில் நாளை காலை 6.30 மணிக்கு நடைபெறவுள்ளது.

மூன்று போட்டிகள் கொண்ட இத்தொடரின் முதலாவது போட்டியை நியூசிலாந்து வென்றதுடன், மழையால் இரண்டாவது போட்டி கைவிடப்பட்ட நிலையில், தொடரைச் சமப்படுத்துவதற்கு இப்போட்டியை இலங்கை கட்டாயம் வென்றாக வேண்டிய நிலையிலுள்ளது.

இப்போட்டியில் வென்றால் கூட உலகக் கிண்ணத்துக்கான நேரடியாகத் தகுதி பெறுவதென்பது தென்னாபிரிக்காவை நெதர்லாந்து வெல்வதிலேயே தங்கியுள்ளது.

மீண்டுமொரு முறை இலங்கையின் துடுப்பாட்டமே கவனம் பெறுவதுடன், ஒருநாள் சர்வதேசப் போட்டிகளில் வனிடு ஹஸரங்கவின் பெறுபேறுகளும் கவனம் பெறுகையில் அவர் உறுதியான பெறுபேற்றை வெளிப்படுத்த வேண்டியுள்ளார்.