ஒரே நாளில் 104 பேருக்குப் பார்வை வழங்கிப் புதிய வரலாறு! இலங்கையை நெகிழ வைத்த நெகிழ்ச்சியான சம்பவம்!
கம்பளை ஆதார மருத்துவமனையின் கண் அறுவை சிகிச்சை நிபுணர் டாக்டர் அம்ல ஜெயரத்ன தலைமையிலான மருத்துவக் குழுவினர் ஒரே நாளில் 104 பேருக்குக் கண் புரை அறுவை சிகிச்சைகளை வெற்றிகரமாகச் செய்து முடித்துள்ளனர்.
பார்வையற்ற 104 பேருக்கு மீண்டும் பார்வை அளிக்கும் இந்த மகத்தான சேவையை நிறைவேற்றுவதற்காக, மருத்துவக் குழுவினர் காலை தொடங்கி இரவு 10 மணி வரை இடைவிடாமல் நின்று உழைத்துள்ளனர்.
ஒரே இரவில் நூற்றுக்கும் மேற்பட்டோரின் வாழ்வில் ஒளியேற்றிய இந்த மருத்துவக் குழுவினரின் அர்ப்பணிப்பும் கடின உழைப்பும் தற்போது பலரது பாராட்டுக்களையும் பெற்றுள்ளது.
மருத்துவர்களின் இந்தச் சாதனைமிகு செயலானது பொதுமக்களிடையே பெரும் நெகிழ்ச்சியை ஏற்படுத்தியுள்ளதுடன், சுகாதாரத் துறையில் மற்றுமொரு வரலாற்றுத் தருணமாகவும் பார்க்கப்படுகிறது.
மனிதநேயத்துடன் செயல்பட்டு நோயாளிகளுக்குப் புதிய வாழ்வளித்த கம்பளை மருத்துவமனை மருத்துவர்கள் மற்றும் பணியாளர்கள் அனைவருக்கும் பலரும் தங்களது உளப்பூர்வமான நன்றிகளையும் பாராட்டுகளையும் தெரிவித்து வருகின்றனர்.
