பிரான்சில் அடுத்த வாரம் , மழையும், இடி மின்னலும் தொடரும்!

பிரான்சில் அடுத்த வாரம் , மழையும், இடி மின்னலும் தொடரும்!

(பாரிஸ் 03.05.20026 sci)

இடியுடன் கூடிய மழை பெய்த இந்த வார இறுதி நாள்களைத் தொடர்ந்து, அடுத்த வாரமும் பிரான்சில் வானிலை சற்று ஏற்ற இறக்கத்துடனேயே காணப்படும் என ‘மெத்தியோ-பிரான்ஸ்’ (Météo-France) தெரிவித்துள்ளது. தொடர்ந்து மழை, காற்று மற்றும் இடி மின்னலுடன் கூடிய வானிலையே நிலவும். வார இறுதியில் மட்டுமே லேசாக வெயில் தலைகாட்டும். இருப்பினும், வெப்பநிலை சராசரி அளவை விடச் சற்று மிதமாகவே இருக்கும்.

அடுத்த வாரத்திற்கான நாள்கள் வாரியான வானிலை அறிக்கை இதோ:

திங்கள் மற்றும் செவ்வாய்: தொடரும் மழை

மே 4 (திங்கள்): வாரத்தின் முதல் நாளே மழையுடன் தான் தொடங்கும். ஓப்பல் மற்றும் நார்மண்டி கடற்கரைப் பகுதிகளை (Côte d’Opale, Côte Normande) தவிர, நாட்டின் பெரும்பாலான பகுதிகளில் மழை பெய்யும். குறைந்தபட்ச வெப்பநிலையாக கேப் (Gap) நகரில் 13°C-உம், அதிகபட்சமாக அஜாசியோ (Ajaccio) நகரில் 21°C-உம் பதிவாகும்.

மே 5 (செவ்வாய்): நோர்மண்டி, பிரிட்டன் மற்றும் தென்கிழக்குப் பகுதிகளில் லேசான வெயில் தெரிந்தாலும், பிற பகுதிகளில் தொடர் மழை பெய்யும். மோசெல் (Moselle), ஆவர்ன்-ரோன்-ஆல்ப்ஸ் (Auvergne-Rhône-Alpes) மற்றும் ஒக்சிடன் (Occitanie) பகுதிகளில் இடியுடன் கூடிய பலத்த மழை பெய்யும். அதிகபட்ச வெப்பநிலை 19°C ஆகப் பதிவாகும்.

புதன் மற்றும் வியாழன்: மிதமான வானிலை

மே 6 (புதன்): மழையும் வெயிலும் மாறி மாறி வரும். நாட்டின் வடக்குப் பகுதி மற்றும் மத்திய தரைக்கடல் பகுதிகளில் வெயில் நன்றாக அடிக்கும். ஆனால் பிரிட்டன் (Bretagne) முதல் தென்மேற்குப் பகுதிகள் வரை மீண்டும் மழை பெய்யும். வெப்பநிலை வடக்கு மற்றும் தெற்குப் பகுதிகளில் 11°C முதல் 18°C வரை சீராக இருக்கும்.

மே 7 (வியாழன்): வெயிலின் தாக்கம் சற்று அதிகரிக்கும்; ஆனாலும் மழை முழுமையாக நிற்காது. காலையில் அனைத்து இடங்களிலும் மிதமான வானிலை இருந்தாலும், பிற்பகலில் கிழக்கு, மேற்கு மற்றும் மத்தியப் பகுதிகளில் மீண்டும் மழை பெய்யும். தெற்கில் வெப்பநிலை அதிகபட்சமாக 20°C வரை உயரும்.

வெள்ளி மற்றும் வார இறுதி: மீண்டும் திரும்பும் இடி மின்னல்

மே 8 (வெள்ளி): நாட்டின் வடக்கு, கோட் ட ‘ அஸூர் (Côte d’Azur) மற்றும் கோர்ஸ் (Corse) பகுதிகளைத் தவிர்த்து, மற்ற அனைத்து இடங்களிலும் காலை முதலே மீண்டும் மழை வெளுத்து வாங்கும். கிழக்குக் பகுதிகளில் வெப்பநிலை 20°C-ஐ எட்டும்.

மே 9, 10 (சனி மற்றும் ஞாயிறு): இந்த வார இறுதி நாள்களிலும் இதேபோன்ற வானிலையே நீடிக்கும். ஆங்காங்கே வெயில் எட்டிப்பார்த்தாலும் பரவலாக மழை பெய்யவே அதிக வாய்ப்புள்ளது. எனினும், கோர்ஸ் தீவுகளில் அதிகபட்சமாக 22°C வரை வெப்பநிலை உயரும் என எதிர்பார்க்கப்படுகிறது.

(குறிப்பு: வானிலையில் ஏற்படும் இந்தத் தொடர் மாற்றங்கள் காரணமாக, இந்த முன்னறிவிப்பிற்கான தங்களின் நம்பகத்தன்மை குறியீடு 5-க்கு 2 முதல் 3 வரை (2/5 முதல் 3/5) மட்டுமே என Météo-France குறிப்பிட்டுள்ளது).