“அரபு நாடுகள் மீது குண்டு மழை பொழியும் ஈரான்”.

“அரபு நாடுகள் மீது குண்டு மழை பொழியும் ஈரான்”. பதிலடி கொடுக்காமல் மௌனம் காக்கும் மத்திய கிழக்கு. ஏன் தெரியுமா..? காரணம் தெரிஞ்சா ஆடிப் போய்டுவீங்க..!!

கடந்த 30 ஆண்டுகளாக வளைகுடா நாடுகள் கட்டியெழுப்பிய அமைதி மற்றும் பொருளாதார வளர்ச்சி என்ற பிம்பம், சமீபத்திய ஈரான் ஏவுகணைத் தாக்குதல்களால் சிதைந்துள்ளது.

ஈரானின் ஆன்மீகத் தலைவர் ஆயதுல்லா அலி காமேனி கொல்லப்பட்டதைத் தொடர்ந்து ஏற்பட்டுள்ள இந்த மோதல், மத்திய கிழக்கை பெரும் போர் பதற்றத்தில் தள்ளியுள்ளது.

அமெரிக்கா மற்றும் இஸ்ரேலின் கூட்டு வான்வழித் தாக்குதலில் ஈரானின் உச்சபட்ச தலைவர் ஆயதுல்லா அலி காமேனி கொல்லப்பட்டார். இது ஈரானை கடும் கோபத்திற்கு உள்ளாக்கியது.

காமேனி ஈரானின் தலைவர் மட்டுமல்ல, உலகெங்கிலும் உள்ள ஷியா பிரிவு முஸ்லிம்களின் ஆன்மீகத் தலைவராகவும் கருதப்படுபவர்.

இதற்குப் பதிலடியாக, ஈரான் தனது ஏவுகணைகளை இஸ்ரேல் மற்றும் அமெரிக்க ராணுவத் தளங்கள் மீதும், அமெரிக்கத் தளங்களைக் கொண்டுள்ள அரபு நாடுகள் மீதும் ஏவியது.

துபாய் மற்றும் அபுதாபியில் உள்ள சொகுசு விடுதிகள், குடியிருப்புப் பகுதிகள் மற்றும் சவுதி அரேபியாவின் அராம்கோ எண்ணெய் நிறுவனங்கள் மீது ஈரானின் ஏவுகணைகள் விழுந்துள்ளன.

இவ்வளவு பாதிப்புகள் ஏற்பட்ட போதிலும், அரபு நாடுகள் ஏன் இன்னும் பதில் தாக்குதல் நடத்தவில்லை? இதற்குப் பின்னால் சில முக்கிய காரணங்கள் உள்ளன:

அதாவது ஈரான் ஒரு இஸ்லாமிய நாடு. அதன் மீது தாக்குதல் நடத்தினால், அது ஒட்டுமொத்த இஸ்லாமிய சமூகத்திற்கு (உம்மா) எதிரான செயலாகப் பார்க்கப்படும் என அரபு நாடுகள் அஞ்சுகின்றன.

ஈரானைத் தாக்கினால், தாங்கள் இஸ்ரேல் மற்றும் அமெரிக்காவுடன் சேர்ந்து கொண்டு ஒரு முஸ்லிம் நாட்டுக்கு எதிராகச் செயல்படுவதாகச் சித்திரிக்கப்படும் என அவர்கள் கருதுகின்றனர்.

இது உள்நாட்டிலும் மற்ற இஸ்லாமிய நாடுகளிலும் அரசியல் ரீதியான நெருக்கடியை உருவாக்கும்.

சவுதி பட்டத்து இளவரசர் முகமது பின் சல்மான், காமேனி கொல்லப்பட்ட அன்று ஈரானைத் தாக்குமாறு ட்ரம்பிடம் வலியுறுத்தியதாகத் தகவல்கள் கசிந்தன.

இருப்பினும், பகிரங்கமாக சவுதி அரேபியா அமைதி காக்கிறது. ஈரான் தனது எல்லையை மீறினால் மட்டுமே ராணுவம் பதிலடி கொடுக்கும் என எச்சரித்துள்ளது.

ஐக்கிய அரபு அமீரகம் (UAE), கத்தார், குவைத், ஓமன் போன்ற நாடுகள் ஈரானின் தாக்குதலைக் கடுமையாகக் கண்டித்துள்ளன.

இருப்பினும், அமெரிக்காவிற்குத் தங்கள் வான்வெளியைப் பயன்படுத்த அனுமதி மறுப்பதன் மூலம், ஈரானுடன் நேரடி மோதலைத் தவிர்க்கப் பார்க்கின்றன.

ஈரான் தொடர்ந்து “அரபு நாடுகள் மீது தாக்கினால் அந்த மன்னர்களின் அரண்மனைகள் தகர்க்கப்படும்” என மறைமுக எச்சரிக்கை விடுத்து வருகிறது.

வணிக மையங்களாகத் திகழும் துபாய் போன்ற நகரங்கள் போர்க்களமாக மாறினால், அது பல தசாப்த கால வளர்ச்சியைப் பாதிக்கும்.

மேலும் இதனால், மத உணர்வுகளுக்கும் தேசிய பாதுகாப்பிற்கும் இடையே ஒரு மெல்லிய கோட்டில் அரபு நாடுகள் பயணித்து வருகின்றன.