கொலம்பியாவிலிருந்து திரும்பிய அமெரிக்க விமானத்தில் துப்பாக்கிச் சூடு!
கொலம்பியாவிலிருந்து அமெரிக்காவின் மியாமி (Miami) நகருக்கு வந்தடைந்த அமெரிக்கன் ஏர்லைன்ஸ் (American Airlines) விமானத்தில் துப்பாக்கிச் சூடு நடத்தப்பட்டிருப்பது கண்டறியப்பட்டுள்ளது.
📍 அமெரிக்கன் ஏர்லைன்ஸ் போயிங் 737-800. கொலம்பியாவின் கார்டகீனா (Cartagena) நகரிலிருந்து மியாமி நோக்கிப் பயணித்தது. விமானம் மியாமி சர்வதேச விமான நிலையத்தில் தரையிறங்கிய பிறகு, பராமரிப்பு சோதனையின் போது விமானத்தின் அடிப்பகுதியில் துப்பாக்கித் தோட்டாக்கள் பாய்ந்ததற்கான அடையாளங்கள் (Bullet holes) இருப்பது கண்டறியப்பட்டது.
🔍 விமானம் காற்றில் பறந்துகொண்டிருந்த போது இந்த தாக்குதல் நடத்தப்பட்டதா அல்லது கொலம்பியாவில் ஓடுபாதையில் இருந்தபோது நடந்ததா என்பது குறித்து தீவிர விசாரணை நடைபெற்று வருகிறது.
நல்லவாய்ப்பாக, இந்த சம்பவத்தில் பயணிகள் அல்லது ஊழியர்கள் எவருக்கும் காயம் ஏற்படவில்லை.
விமானம் பாதுகாப்பாகத் தரையிறங்கிய பின்னரே இந்த பாதிப்பு அதிகாரிகளின் கவனத்திற்கு வந்தது.
🚨 அமெரிக்க மத்திய புலனாய்வுத் துறை மற்றும் விமான போக்குவரத்து அதிகாரிகள் இது குறித்து விசாரணையைத் தொடங்கியுள்ளனர். சர்வதேச வான்பரப்பில் விமானங்களின் பாதுகாப்பு குறித்த கேள்விகளை இந்த சம்பவம் எழுப்பியுள்ளது.
