‘ஒரியானா’ புயல் எதிரொலி!” – பாரிஸ் விமானப் போக்குவரத்து பாதிப்பு!
பாரிஸ் நகரத்தின் முக்கிய விமான நிலையங்களான Paris-Charles de Gaulle மற்றும் Paris-Orly ஆகியவற்றில் நாளை (ஞாயிற்றுக்கிழமை, பெப்ரவரி 15) விமானச் சேவைகள் கடுமையாகப் பாதிக்கப்படும் என்று Direction générale de l’aviation civile (DGAC – சிவில் விமானப் போக்குவரத்து இயக்குநரகம்) அறிவித்துள்ளது.
நாட்டைத் தாக்கியுள்ள ‘ஒரியானா’ (Oriana) புயல் காரணமாக, நாளை வடக்கு பிரான்ஸ் மற்றும் Île-de-France பகுதிகளில் கடும் பனிப்பொழிவு (Neige) மற்றும் உறைபனி (Verglas) ஏற்படும் என்று கணிக்கப்பட்டுள்ளது. மோசமான வானிலை காரணமாக விமானங்களை இயக்குவதில் சிக்கல் ஏற்படும் என்பதால் இந்த முன்னெச்சரிக்கை நடவடிக்கை எடுக்கப்பட்டுள்ளது.
பாதுகாப்புக் காரணங்களுக்காக, விமான நிறுவனங்கள் (Compagnies aériennes) தங்கள் பயணத் திட்டங்களை மாற்றியமைக்குமாறு அறிவுறுத்தப்பட்டுள்ளன.
Paris-Charles de Gaulle: இங்கு நாளை காலை 7:00 மணி முதல் மாலை 4:00 மணி வரை பல விமானங்கள் ரத்து செய்யப்படும்.
Paris-Orly: இங்கு நாளை காலை 6:00 மணி முதல் மதியம் 2:00 மணி வரை விமானச் சேவைகள் குறைக்கப்படும்.
வடக்கு பிரான்ஸ் பகுதிகளுக்கு Vigilance orange (ஒரேஞ்சு எச்சரிக்கை) விடுக்கப்பட்டுள்ள நிலையில், பயணிகள் விமான நிலையத்திற்குப் புறப்படும் முன் தங்கள் விமானம் இயங்குமா என்பதை உறுதிப்படுத்திக்கொள்ளுமாறு கேட்டுக்கொள்ளப்படுகிறார்கள். ‘நில்ஸ்’ (Nils) புயலைத் தொடர்ந்து இப்போது ‘ஒரியானா’வும் வந்திருப்பதால் வானிலை மிகவும் மோசமடைந்துள்ளது.
