704 பேர் கைது: காவல்துறை நடவடிக்கை
நேற்று (ஆகஸ்ட் 9) நாடு முழுவதும் நடத்தப்பட்ட விசேட தேடுதல் நடவடிக்கையின் போது, குற்றச் செயல்கள் மற்றும் சட்டவிரோத மதுபானம் மற்றும் போதைப்பொருள் தொடர்பான குற்றங்களுக்காக மொத்தம் 704 பேர் கைது செய்யப்பட்டுள்ளனர்.
காவல்துறை ஊடகப் பிரிவு அறிக்கையின்படி, இந்த நடவடிக்கையின் கீழ் மொத்தம் 25,503 பேர் சோதனைக்கு உட்படுத்தப்பட்டனர். குற்றச் செயல்களுடன் நேரடியாகத் தொடர்புடைய 29 நபர்கள் அடையாளம் காணப்பட்டனர். அத்துடன், பிடியாணை பிறப்பிக்கப்பட்டிருந்த 203 சந்தேக நபர்களும் கைது செய்யப்பட்டனர்.
இந்த நடவடிக்கையின் போது, 100 குடித்துவிட்டு வாகனம் ஓட்டியவர்கள், 17 கவனக்குறைவாக வாகனம் ஓட்டியவர்கள், மற்றும் பல்வேறு போக்குவரத்து விதிமீறல்களில் ஈடுபட்ட 3,369 பேர் அடையாளம் காணப்பட்டனர்.
சிறிய, நடுத்தர மற்றும் பெரிய அளவிலான போதைப்பொருள் கடத்தல்காரர்கள், குற்றச் செயல்களில் ஈடுபடுபவர்கள் மற்றும் சட்டவிரோத ஆயுதங்களை வைத்திருப்பவர்களைக் கைது செய்யும் நோக்கில் நாடு தழுவிய ரீதியில் இத்தகைய நடவடிக்கைகள் தொடர்ந்து மேற்கொள்ளப்படுவதாக காவல்துறை தெரிவித்துள்ளது.
