மஸ்கெலியா தோட்ட முகாமையாளர் இல்லத்திற்கு அருகில் உள்ள பகுதியில் அடையாளம் தெரியாதோர் இட்ட வலையில் சிறுத்தை ஒன்று சிக்கியுள்ளது.
இதை அவதானித்த தோட்ட முகாமையாளர் இல்ல தோட்டத் தொழிலாளி உடனடியாக நிர்வாக அதிகாரியின் கவனத்துக்கு கொண்டு வந்துள்ளார்.
இதனையடுத்து நிர்வாக அதிகாரி நல்லதண்ணி பிராந்திய வன ஜீவராசிகள் திணைக்கள அதிகாரிகளுக்கு தகவல் வழங்கியதையடுத்து நல்லதண்ணி வன ஜீவராசிகள் திணைக்கள அதிகாரிகள் அந்த இடத்துக்கு வந்து சிறுத்தையை பத்திரமாக மீட்டதாக மஸ்கெலியா தோட்ட காரியாலய அதிகாரி தெரிவித்துள்ளனர்.
மேலும், சம்பவம் தொடர்பாக பொலிஸாருக்கு தெரிவித்துள்ளதையடுத்து விசாரணைகளும் முன்னெடுக்கப்பட்டுள்ளன.
