ரஷ்யா மீது உக்ரைன் இராணுவம் நேற்று (16) ஆளில்லா விமான தாக்குதல் நடத்தியுள்ளது. ரஷ்யாவில் உள்ள குர்ஸ்க் பகுதி மற்றும் பேல்கோரட் பகுதியை குறி வைத்து இந்த திடீர் தாக்குதல் நடத்தப்பட்டுள்ளது.
உக்ரைன் இராணுவத்தினர் கீவ்வில் இருந்து ஆளில்லா விமானங்களை செலுத்திய நிலையில் உக்ரைன் இராணுவத்தின் ஆளில்லா விமானங்கள் வருகையை அறிந்த ரஷ்ய வான் பாதுகாப்பு தளவாடங்கள் அதனை மறித்து எதிர்த்தாக்குதல் நடத்தியிருந்தன.
மேலும் இந்த தாக்குதலில் 25ற்க்கும் அதிகமான ஆளில்லா விமானங்கள் சுட்டு வீழ்த்தப்பட்டதாக தெரிவித்த ரஷ்யா, உக்ரைனுக்கு பதிலடி தரும் வகையில் தாக்குதல் நடத்த தயாராகி வருவதாகவும் எச்சரித்துள்ளது.
