இஸ்ரேலின் அரசியலில் புதிய திருப்பம்!
இ.ஸ்ரேலின் அரசியலில் நீண்டகாலமாகத் தடையாகக் கருதப்பட்ட அரபுக் கட்சிகளுடனான அரசியல் கூட்டணி குறித்த நிலைப்பாடு தற்போது மாறத் தொடங்கியுள்ளது.
சில நாட்களுக்கு முன்பு வரை அரபுக் கட்சிகளுடன் இணைந்து செயல்படுவது அரசியல் ரீதியாக ஏற்றுக்கொள்ள முடியாததாகக் கருதப்பட்டது.
ஆனால், தற்போது அதே கூட்டணியை உருவாக்க வேண்டும் என இ.ஸ்ரேலிய மக்கள் வீதிகளில் இறங்கிப் போராட்டம் நடத்தி வருகின்றனர்.
இ.ஸ்ரேலின் முன்னாள் இராணுவத் தளபதி Gadi Eisenkot, நான்கு நிபந்தனைகளை ஏற்றுக்கொள்ளும் எந்தவொரு நாடாளுமன்ற உறுப்பினரின் ஆதரவையும் பெறுவதற்கான வாயிலைத் திறந்துள்ளார்.
அந்த நிபந்தனைகளில், இ.ஸ்ரேலை யூத மற்றும் ஜனநாயக நாடாக அங்கீகரிப்பதும், H.amas அமைப்பை பயங்கரவாத அமைப்பாக அங்கீகரிப்பதும் அடங்கும்.
இதற்கிடையில், அரபுக் கட்சிகளைச் சேர்ந்த நாடாளுமன்ற உறுப்பினர்களும் மாற்று அரசாங்கத்தை அமைப்பதற்கு ஆதரவளிக்கத் தயாராக இருப்பதற்கான சமிக்ஞைகளை வெளியிட்டுள்ளனர்.
இதன் மூலம், Netanyahu-வுக்கு எதிரான அரசியல் தரப்பினருக்குத் தேவையான நாடாளுமன்றப் பெரும்பான்மையைப் பெறுவதற்கான வாய்ப்பு உருவாகியுள்ளது.
இதில் ஒரு சுவாரஸ்யமான முரண்பாடும் உள்ளது. 2021ஆம் ஆண்டு, தனது அரசியல் இருப்பைக் காப்பாற்றிக்கொள்ள வேண்டிய சூழலில், Netanyahu அவர்களே அரபுக் கட்சித் தலைவர் Mansour Abbas உடன் ஒப்பந்தம் ஒன்றை ஏற்படுத்த முயன்றதாகக் கூறப்படுகிறது.
ஆனால், தற்போது Netanyahu-வின் Likud கட்சி, அரபுக் கட்சிகள் தேர்தலில் மோசடி செய்து வெற்றி பெற்றதாக எந்த ஆதாரமும் இன்றி குற்றம் சாட்டி வருகிறது.
இஸ்ரேல் நாடாளுமன்றத்தில் அரபுக் கட்சிகளுக்கு 19 இடங்கள் உள்ளன. எனவே, அந்தக் கட்சிகளின் ஆதரவு அடுத்த அரசாங்கத்தைத் தீர்மானிக்கும் முக்கிய சக்தியாக அமையக்கூடும்.
இப்போது எழுந்துள்ள முக்கிய கேள்வி என்னவென்றால், அரபுக் கட்சிகளின் வாக்குகள் தீர்மானிக்கும் சக்தியாக மாறுவதைத் தடுத்து வந்த நீண்டகால அரசியல் தடையை இ.ஸ்ரேலின் எதிர்க்கட்சிகள் உடைக்க முடியுமா என்பதுதான்.
