தெருக்களில் போராட்டம், சந்தையில் மிரட்டல்! – அரசியல் ஸ்திரத்தன்மையின்மையால் சிக்கலில் தவிக்கும் பிரான்ஸ் 

தெருக்களில் போராட்டம், சந்தையில் மிரட்டல்! – அரசியல் ஸ்திரத்தன்மையின்மையால் சிக்கலில் தவிக்கும் பிரான்ஸ்

பிரான்ஸ் நாட்டை உலுக்கி வரும் கடுமையான கடன் நெருக்கடியும், சர்வதேச அளவில் எதிரொலிக்கும் பொருளாதாரச் சிக்கல்களும் அந்த நாட்டின் எதிர்காலம் குறித்த பெரும் கவலையை ஏற்படுத்தியுள்ளன.

அரசாங்கத்தின் செலவினங்களைக் கட்டுப்படுத்தக் கோரியும், பொது சேவைகளைப் பாதுகாக்க வலியுறுத்தியும் கடந்த செவ்வாய்க்கிழமை நடைபெற்ற ஆர்ப்பாட்டங்களில்

சுமார் கால் மில்லியன் மாணவர்கள், ஆசிரியர்கள் மற்றும் தொழிற்சங்கத்தினர் திரண்டதால் நாடு முழுவதும் பெரும் பரபரப்பு ஏற்பட்டது.

போராட்டக்காரர்கள் காவல்துறையினருடன் மோதலில் ஈடுபட்ட அதேவேளையில், வலதுசாரி பாப்புலிஸ்ட் கட்சியான தேசிய பேரவை தலைவரான மரின் லெ பென் பிரதான வீதிகளில்

இறங்குவதற்குப் பதிலாக பத்திரிகையாளர்களைச் சந்திப்பதில் கவனம் செலுத்தினார்.

பிரான்ஸின் பிரம்மாண்டமான கடன் சுமையைக் பாதியாகக் குறைப்பதற்கான தனது புதிய பட்ஜெட் மற்றும் சிக்கனத் திட்டங்களை அவர் அப்போது அறிமுகப்படுத்தினார்.

வரும் ஏப்ரல் மாதம் நடைபெறவுள்ள அதிபர் தேர்தலில் போட்டியிடத் தயாராகி வரும் லெ பென், பிரான்ஸ் திவால்நிலையை நோக்கிச் செல்வதைத் தடுக்க வேண்டும் என எச்சரித்துள்ளார்.

நாட்டின் மொத்த உள்நாட்டு உற்பத்தியில் வட்டிச் செலுத்துதல்களின் சுமை அதிகரித்து வருவதைச் சுட்டிக்காட்டிய அவர்,

முறையான அரசியல் மாற்றங்கள் செய்யப்படாவிட்டால் நாடு பொருளாதாரச் சீரழிவைச் சந்திக்க நேரிடும் எனத் தெரிவித்தார்.

பிரதமர் செபாஸ்டியன் லெகோர்னு தரப்பில் முன்வைக்கப்பட்ட 43 பில்லியன் யூரோ அளவிலான செலவுக் குறைப்பு மற்றும் வரி உயர்வுகளை விடக் கடுமையான நடவடிக்கைகளை லெ பென் முன்மொழிந்துள்ளார்.

ஐரோப்பிய ஒன்றியத்தின் விதிமுறைகளுக்கு இணங்க பட்ஜெட் பற்றாக்குறையைக் கட்டுக்குள் கொண்டுவரப்போவதாக அவர் உறுதியளித்துள்ளார்.

எனினும், மறுபுறம் உலகளாவிய கடன் பத்திர முதலீட்டாளர்கள் பிரான்சின் நிலைமை குறித்துக் கடும் கவலை அடைந்துள்ளனர்.

பிரான்சின் அரசு கடன் பத்திரங்களின் வட்டி விகிதங்கள் பல தசாப்தங்களாக இல்லாத அளவுக்கு உச்சம் தொட்டுள்ளதுடன், பிரெஞ்சு மற்றும் ஜெர்மன் பத்திரங்களுக்கு இடையிலான இடைவெளி

ஐரோப்பியப் பிராந்தியத்தில் ஒரு புதிய நிதி நெருக்கடி வெடிக்குமோ என்ற அச்சத்தை ஏற்படுத்தியுள்ளது.

அரசாங்கத்தின் கடன்-ஜிடிபி விகிதம் சாதனை அளவாக 119 சதவீதத்தைத் தாண்டியுள்ள நிலையில், சர்வதேச நாணய நிதியம் மற்றும் பல்வேறு பொருளாதார நிபுணர்கள் கடுமையான

அரசியல் முடிவுகளை எடுக்க வேண்டிய கட்டாயத்தை வலியுறுத்தியுள்ளனர். பிரான்சின் இந்த நெருக்கடி ஐரோப்பிய ஒன்றியம் முழுவதையும் பாதிக்கும் அபாயம் உள்ளதாக எச்சரிக்கப்பட்டுள்ளது.

லெ பென் போன்ற எதிர்க்கட்சித் தலைவர்கள் அரசின் செலவினங்களைக் குறைக்க அதிரடியான திட்டங்களை முன்வைத்தாலும், மக்களின் அன்றாடத் தேவைகள்

மற்றும் ஓய்வூதிய எதிர்பார்ப்புகளுக்கு மத்தியில் இவற்றை நடைமுறைப்படுத்துவது பெரும் சவாலாகவே பார்க்கப்படுகிறது. மக்களிடையே நிலவும் எதிர்ப்புகளையும்,

சர்வதேசச் சந்தையின் அழுத்தங்களையும் ஒரே நேரத்தில் எதிர்கொள்ள வேண்டிய இக்கட்டான சூழலில் பிரான்ஸ் சிக்கியுள்ளது.

பொருளாதார நெருக்கடியைச் சமாளிக்கத் தவறினால் பிரான்சின் அரசியல் மற்றும் சமூகக் களம் மேலும் மோசமான வன்முறைகள்

அல்லது திண்டாட்டங்களைச் சந்திக்க நேரிடும் என அரசியல் பகுப்பாய்வாளர்கள் எச்சரித்துள்ளனர். தேர்தலை நெருங்கி வரும் வேளையில்,

பிரெஞ்சு அரசியலும் சந்தையும் எந்த திசையை நோக்கி நகரும் என்ற பதற்றம் சர்வதேச அரங்கில் அதிகரித்துள்ளது.