மேஷம்
மேஷ ராசிக்காரர்களுக்கு இன்று நிறைய நல்ல வாய்ப்புகள் தேடி வரும். எந்த இடத்தில் எல்லாம் அவமானப்பட்டீர்களோ, அந்த இடத்தில் இருந்து நல்ல பெயர் வாங்குவீர்கள். தலை நிமிர்ந்து நடப்பீர்கள். உங்களைப் பற்றி நாலு பேர் பெருமையாக பேசும் அளவிற்கு இன்று நல்லது நடக்கும். குடும்பத்தில் சந்தோஷம் இரட்டிப்பாகும். சுப செலவுகள் உண்டு. கடவுளுக்கு நன்றி சொல்லுங்கள்.
ரிஷபம்
ரிஷப ராசிக்காரர்களுக்கு இன்று கொஞ்சம் போட்டி பொறாமைகள் நிறைந்த நாளாக இருக்கும். உங்களுடைய வாழ்க்கையில் நல்லது நடந்தால், அது எதிராளிக்கு பொறுக்காது. எப்படியாவது வீழ்த்த வேண்டும் என்று சில சூழ்ச்சிகளை மேற்கொள்வார்கள். ஜாக்கிரதையாக இருந்து கொள்ளுங்கள். யாரையும் முழுசாக நம்ப வேண்டாம். மாணவர்களுக்கு கல்வியில் கூடுதல் கவனம் தேவை. நேரத்தை வீணடிக்க கூடாது.
மிதுனம்
மிதுன ராசிக்காரர்கள் இன்று புத்திசாலித்தனமாக செயல்படுவீர்கள். எந்த ஒரு வேலையையும் செய்வதற்கு முன்பு பலமுறை சிந்திப்பீர்கள். வேகத்தை விட விவேகம் அதிகமாக இருக்கும். குழப்பமான சிக்கல்களை கூட சுலபமாக அவிழ்க்கக்கூடிய திறமை இன்று உங்களிடத்தில் இருக்கும். குறிப்பாக வீட்டில் இருக்கும் பெண்களுக்கு இன்று நிறைய நல்லது நடக்கும். சாமர்த்தியம் வெளிப்படும்.
கடகம்
கடக ராசிக்காரர்களுக்கு இன்று பெரிய எதிர்பார்ப்பு எதுவும் இருக்கக் கூடாது. ஏமாற்றங்கள் ஏற்படுவதற்கு வாய்ப்புகள் உள்ளது. அன்றாட வேலையை பாருங்கள். கடமையை செய்யுங்கள், பலனை எதிர்பார்க்காதீர்கள். அவ்வளவுதான். ஆரோக்கியத்தில் கவனம் செலுத்துங்கள். பிள்ளைகளுடைய நலனில் அக்கறை காட்டுங்கள். அதிகம் கோபப்பட வேண்டாம்.
சிம்மம்
சிம்ம ராசிக்காரர்களுக்கு இன்று கூடுதல் கவனம் இருக்க வேண்டும். எந்த ஒரு வேலையிலும் கவனக்குறைவு இருக்கக் கூடாது. மேலதிகாரிகளோடு பொறுமையாக பேச வேண்டும். அனுசரணையாக நடந்து கொள்ள வேண்டும். முன் கோபத்தை குறைத்துக் கொள்ள வேண்டும். வியாபாரத்தில் அதிரடி முடிவு எடுக்க வேண்டாம். அதிக வட்டிக்கு கடன் வாங்க வேண்டாம்.
கன்னி
கன்னி ராசிக்காரர்களுக்கு இன்று ரொம்பவும் அமைதியான நாளாக இருக்கும். எல்லா வேலையும் சரியாக நடத்தி முடிப்பீர்கள். ஒரு துளி சோம்பேறித்தனம் இருக்காது. வீட்டில் இருக்கும் பெண்கள் உங்களுடைய கடமைகளை சரியாக செய்வீர்கள். கணவன் மனைவிக்குள் இருந்து வந்த சண்டை சச்சரவுகள் நீங்கும். வீட்டிற்கு உறவு முறைகள் வருகை இருக்கும். சுப செலவுகள் ஏற்படும். பிள்ளைகளுடைய படிப்பில் கூடுதல் கவனம் தேவை.
துலாம்
துலாம் ராசிக்காரர்களுக்கு இன்று அளவில்லா சந்தோஷம் இருக்கும். மனதிற்கு பிடித்த நபரை சந்திப்பீர்கள். காதல் கைகூடும். திருமணம் வரை செல்லும். இதுநாள் வரை வெளியில் சொல்ல முடியாத ரகசியங்களை எல்லாம் சொல்லி நிம்மதியாக மூச்சு விடுவீர்கள். இறவு நல்ல தூக்கத்தையும் அடைவீர்கள்.
விருச்சிகம்
விருச்சிக ராசி காரர்கள் இன்று யாரிடமாவது ஏமாறுவதற்கு வாய்ப்பு உள்ளது. பணம் சம்பந்தப்பட்ட விஷயத்தில் கவனமாக இருக்க வேண்டும். ஜாமீன் கையெழுத்து போடக்கூடாது. தள்ளுபடி விலையில் எந்த பொருளும் வாங்கக்கூடாது. சொத்து சுகம், இடம் சம்பந்தப்பட்ட பேச்சுவார்த்தை ஏதாவது இருந்தால் நாளை தள்ளிப் போடுங்கள்.
தனுசு
தனுசு ராசிக்கு இன்று சந்தோஷம் நிறைந்த நாளாக இருக்கும். வேலையில் எதிர்பார்த்ததை விட நல்லது நடக்கும். பிரமோஷன் கிடைக்கும். சம்பள உயர்வு கிடைக்கவும் வாய்ப்புகள் இருக்கிறது. பொங்கலுக்கு செய்த செலவு ஈடுகட்ட கொஞ்சம் சிரமப்பட வேண்டிய சூழ்நிலை இருக்கும். நிதி நிலைமை கொஞ்சம் பின் தங்கிய நிலையில் தான் இருக்கும். செலவை குறைப்பது நல்லது.
மகரம்
மகர ராசிக்காரர்களுக்கு இன்று மன அமைதி இருக்கும். நிம்மதியாக உங்களுடைய வேலையை செய்வீர்கள். தேவையற்ற டென்ஷன் தேவையற்ற எதிரி தொல்லைகள் எல்லாம் தானாக விளக்கும். குடும்ப நலனிலும் குழந்தைகள் நலனிலும் அதிக அக்கறை காட்டுவீர்கள். ஆரோக்கியத்தில் நல்ல மேம்பாடு இருக்கும்.
கும்பம்
கும்ப ராசிக்காரர்களுக்கு இன்று தேவையற்ற மன பயம் இருக்கும். எந்த முடிவை எடுப்பது என்று தெரியாமல் கொஞ்சம் குழப்ப நிலையில் இருப்பீர்கள். நிதானதோடு சிந்திக்க வேண்டும். மூன்றாவது நபரின் பேச்சை கண்மூடித்தனமாக நம்ப கூடாது. குறிப்பாக உங்கள் முன்னே, உங்களை புகழ்ந்து பேசும் நபரை நம்பி எந்த காரியத்திலும் இறங்க வேண்டாம்.
மீனம்
மீன ராசிக்காரர்கள் இன்று கொஞ்சம் பேராசைப்படக்கூடாது. நிதானத்தோடு இருக்க வேண்டும். பத்து ரூபாய் போட்டால், ஆயிரம் ரூபாய் கிடைக்கும் என்று யாராவது சொன்னால் அதை எல்லாம் நம்பாதீங்க. வேலையில் நிதானம் தேவை. எந்த ஒரு விஷயத்தையும் அலசி ஆராயாமல் செய்யக்கூடாது. ஒருவரை பற்றி, இன்னொருவரிடம் குறை சொல்லாதீர்கள். அமைதியாக இருங்கள். அதிகம் பேசாமல் இருந்தால் இன்றைய நாள் சுகமாக முடியும்
