ஜனாதிபதி அநுரகுமார திஸாநாயக்கவின் பிறந்த தினம் இன்று (24) 1968 ஆம் ஆண்டு நவம்பர் மாதம் 24 ஆம் திகதி பிறந்த அநுரகுமார திஸாநாயக்கவுக்கு தற்போது 56 வயதாகிறது.
தம்புத்தேகம ஆரம்பப் பாடசாலையில் ஆரம்பக் கல்வியைப் பெற்ற பின்னர், தம்புத்தேகம மத்திய மகா வித்தியாலயத்தில் நுழைந்து பல்கலைக்கழகக் கல்விக்குத் தகுதி பெறுவதற்காக விஞ்ஞானம் மற்றும் கணிதப் பிரிவில் உயர்தரப் பரீட்சையில் தோற்றியிருந்தார்.
1992ஆம் ஆண்டு களனிப் பல்கலைக்கழகத்தில் விஞ்ஞான பீடத்தில் நுழைந்த அநுரகுமார திஸாநாயக்க, 1995ஆம்
ஆண்டு இளங்கலை விஞ்ஞானப் பட்டத்துடன் பட்டம் பெற்றார்.
1987 இல், அப்போதைய அரசாங்கத்தால் கைச்சாத்திடப்பட்ட இந்திய-இலங்கை ஒப்பந்தத்துக்கு எதிரான பாரிய பொதுப் போராட்டங்களில் மாணவர் செயற்பாட்டாளராகப் பங்களித்ததோடு சோசலிச மாணவர் சங்கத்தின்
செயற்பாட்டாளராகவும் ஆனார்.
1993 இல் ஜனதா விமுக்தி பெரமுன அரசாங்கத்தின் பாரிய அடக்குமுறைக்கு உள்ளாகி மீண்டு வந்தபோது மீண்டும் தீவிர அரசியலுக்கு வந்த அநுரகுமார திஸாநாயக்க 1997 இல் சோசலிச மாணவர் ஒன்றியத்தின் தேசிய அமைப்பாளராக பதவி வகித்தார்.
1997 இல் ஜனதா விமுக்தி பெரமுனாவின் மத்திய குழுவுக்கு தேர்ந்தெடுக்கப்பட்ட அவர் 1998 இல் ஜனதா விமுக்தி பெரமுனவின் அரசியல் குழுவில் இணைந்தார்.
1999 மாகாண சபைத் தேர்தலில் ஜனதா விமுக்தி பெரமுனவின் பிரதமர் வேட்பாளராக மத்திய மாகாண சபைக்கு போட்டியிட்டு முதல் தடவையாக அரசியலில் பிரவேசித்தார்.
2000ஆம் ஆண்டு நாடாளுமன்றத் தேர்தலில் அநுரகுமார திஸாநாயக்க முதன்முறையாக நாடாளுமன்ற உறுப்பினராகத் தெரிவு செய்யப்பட்டார்.
2004 ஆம் ஆண்டு குருணாகல் மாவட்டத்தை பிரதிநிதித்துவப்படுத்தி அதிக விருப்பு வாக்குகளைப் பெற்று பாராளுமன்றத்துக்கு தெரிவானார்.
2008ஆம் ஆண்டு ஜனதா விமுக்தி பெரமுனவின் நாடாளுமன்றக் குழுத் தலைவராகத் தெரிவு செய்யப்பட்ட அநுரகுமார திஸாநாயக்க, 2010ஆம் ஆண்டு மீண்டும் நாடாளுமன்றத்துக்குத் தெரிவு செய்யப்பட்டார்.
பெப்ரவரி 02, 2014 அன்று நடைபெற்ற ஜனதா விமுக்தி பெரமுனவின் 7ஆவது தேசிய மகாநாட்டில் ஜனதா விமுக்தி பெரமுனவின் தலைவரானார் மற்றும் 2015 இல் கொழும்பு மாவட்டத்தை பிரதிநிதித்துவப்படுத்தும் பாராளுமன்ற உறுப்பினராகத் தேர்ந்தெடுக்கப்பட்டார்
2019 ஆம் ஆண்டில், ஜனதா விமுக்தி பெரமுனா உள்ளிட்ட அரசியல் கட்சிகள், சிவில் அமைப்புகள் மற்றும் அரசியல் ஆர்வலர்களை ஒன்றிணைத்து தேசிய மக்கள் சக்தி என்ற புதிய அரசியல் இயக்கம் உருவாக்கப்பட்டது.
செப்டெம்பர் மாதம் 21ஆம் திகதி நடைபெற்ற ஜனாதிபதித் தேர்தலில் நாட்டின் ஜனாதிபதியாக தெரிவு செய்யப்பட்ட நாட்டின் 9ஆவது நிறைவேற்று அதிகார ஜனாதிபதி ஆனார்.
