பயணிகள் பஸ்ஸொன்றில் இருந்து 30 இலட்சம் ரூபா பெறுமதியான ஹெரோயின் போதைப்பொருளினை மாஹோ பொலிஸார் மீட்டுள்ளனர்.
கொழும்பில் இருந்து அனுராதபுரம் நோக்கி பயணித்த பஸ் ஒன்றை நிறுத்தி நேற்றிரவு (18) மேற்கொள்ளப்பட்ட சோதனையின் போதே இந்த ஹெரோயின் தொகை மீட்கப்பட்டுள்ளது.
குறித்த பஸ்ஸின் சாரதிக்கு அருகில் இருந்த பொதியொன்றை சோதனையிட்ட பொலிஸார் அதிலிருந்து 143 கிராம் ஹெரோயின் போதைப்பொருளினை மீட்டனர்.
சம்பவத்தில் பஸ்ஸின் சாரதி கைது செய்யப்பட்டதுடன், அவர் 43 வயதான ராங்கனை பகுதியைச் சேர்ந்தவர் எனவும் அடையாளம் காணப்பட்டுள்ளார்.
சம்பவம் தொடர்பிலான மேலதிக விசாரணைகளை மாஹோ பொலிஸார் மேற்கொண்டு வருகின்றனர்.
