டெல்லியில் நடந்த பொங்கல் விழாவில், பிரதமர் நரேந்திரமோடி முன்னிலையில் ‘சத்தியம் சிவம் சுந்தரம்’என்ற பாடலை பாடி அசத்தியுள்ளார் அண்மையில் நடந்து முடிந்த சூப்பர் சிங்கர் ஜூனியர் சீசன்-9 இல் வெற்றியீட்டிய ஸ்ரீநிதா.
இவரது குரல் வளத்தையும் இனிமையையும் பாராட்டிய மோடி, “மிக அருமையாக பாடினாய். மனமார்ந்த வாழ்த்துக்கள்” என கூறியதோடு மட்டுமல்லாமல் தான் அணிந்திருந்த சால்வையையும் ஸ்ரீநிதாவுக்கு அளித்துள்ளார்.
இதுகுறித்து ஸ்ரீநிதா கூறுகையில், “டெல்லி சென்று அங்கே பிரதமர் முன்னிலையில் பாடி, அதற்கு பிரதமரிடம் பாராட்டும் பரிசும் கிடைத்தது வாழ்நாளில் எனக்கு கிடைத்த மிகப்பெரிய பாக்கியம்” எனக் கூறியுள்ளார்.
