ஓமன் வளைகுடாவில் அமெரக்க எண்ணெய் கப்பலை தங்கள் படைகள் கைப்பற்றியதாக ஈரான் கூறியுள்ளது.
ஈரானின் கடற்படையினரால் “செயின்ட் நிகோலஸ்” என்ற குறித்த கப்பல் கைப்பற்றப்பட்டுள்ளதாக அரசு நடத்தும் ஐ.ஆர்.என்.ஏ. செய்தி நிறுவனம் வியாழக்கிழமை (11) செய்தி வெளியிட்டுள்ளது.
ஈரான் இஸ்லாமியக் குடியரசின் கடற்படை, நீதிமன்ற உத்தரவின் பிரகாரம் ஓமன் வளைகுடா கடல் பகுதியில் அமெரிக்க எண்ணெய்க் கப்பலைக் கைப்பற்றியது என்று குறித்த செய்தி நிறுவனம் சுட்டிக்காட்டியுள்ளது.
ஈரானுக்கும் அமெரிக்காவுக்கும் இடையிலான நெருக்கடிகளுக்கு மத்தியில் இந்த சம்பவம் அரங்கேறியுள்ளது.
இதனால் மத்திய கிழக்கு நீர்வழிகளூடான பதற்றம் மேலும் அதிகரித்துள்ளது.
