தொழில்நுட்பத்தால் உடைந்த குரோஷியாவின் இதயம்!

தொழில்நுட்பத்தால் உடைந்த குரோஷியாவின் இதயம்!” – போர்த்துகலுக்கு எதிரான கடைசி நிமிட கோல் VAR மூலம் ஏன் மறுக்கப்பட்டது? FIFA விளக்கம்!

2026 FIFA உலகக்கோப்பை நாக்-அவுட் சுற்றில் (Round of 32) குரோஷியாவுக்கு எதிரான விறுவிறுப்பான போட்டியில் போர்த்துகல் அணி 2-1 என்ற கணக்கில் திரில் வெற்றி பெற்று அடுத்த சுற்றுக்கு முன்னேறியுள்ளது.

இப்போட்டியின் கூடுதல் நேரத்தில் (Stoppage time), குரோஷியாவின் ஜோஸ்கோ குவார்டியோல் அடித்த சமன் செய்யும் கோல் (Equaliser) நடுவர்களால் முதலில் வழங்கப்பட்டது. ஆனால், VAR (Video Assistant Referee) தலையீட்டிற்குப் பிறகு அது ஆஃப்சைட் (Offside) என அறிவிக்கப்பட்டு ரத்து செய்யப்பட்டது.

இந்த சர்ச்சை முடிவுக்குப் பின்னால் இருக்கும் உண்மையான காரணம் என்ன என்பதைப் புகைப்பட ஆதாரத்துடன் அதிகாரப்பூர்வமாக விளக்கியுள்ளது சர்வதேச கால்பந்து கூட்டமைப்பான FIFA.

⚽ கோல் மறுக்கப்பட்டதற்கான காரணம் என்ன?
(FIFA-வின் விளக்கம்):

குரோஷிய வீரர் இவான் பெரிசிச் அடித்த கிராஸை (Cross), மற்றொரு குரோஷிய வீரரான இகோர் மதானோவிச் (Igor Matanović ) தலையால் முட்ட முயன்றபோது பந்து அவர் மீது படவில்லை என்றே வெறும் கண்களுக்கும் தொலைக்காட்சி மறுஒளிபரப்பிற்கும் (TV replays) தெரிந்தது. இதனால், பந்தைப் பெற்று அசிஸ்ட் செய்த மரியோ பாசலிச் ஆஃப்சைட் இல்லை எனக் கருதப்பட்டு கோல் கொடுக்கப்பட்டது.

ஆனால், உலகக்கோப்பையின் அதிகாரப்பூர்வ அடிடாஸ் ட்ரியோண்டா (Adidas Trionda) பந்திற்குள் பொருத்தப்பட்டிருக்கும் அதிநவீன ‘கனெக்டட் பால் டெக்னாலஜி’ (Connected Ball Technology) மற்றும் அதிலுள்ள ‘IMU சென்சார்கள்’ (Sensors) மூலம் மிகத் துல்லியமான தரவுகள் சேகரிக்கப்பட்டன.

அந்த சென்சார் தரவுகளின்படி, பந்து மதானோவிச்சின் தலைமுடியின் மீது (அல்லது மிக லேசாக) உரசிச் சென்றதை பந்தின் உள்ளே இருந்த சிப் கண்டறிந்தது.

பந்து அவர் மீது பட்ட அந்த நொடியில் சென்சார் கொடுத்த சிக்னல், ஒளிபரப்பில் ‘இதயத் துடிப்பு அலைவரிசை’ (Heartbeat Graphic) போலக் காட்டப்பட்டு உறுதி செய்யப்பட்டது.

மதானோவிச் பந்தைத் தொட்டது உறுதியானதால், அடுத்ததாக பந்தைப் பெற்று கோலுக்குக் காரணமான பாசலிச் (Mario Pasalic) விதிமுறைப்படி ஆஃப்சைட் பொசிஷனில் இருந்தது நிரூபிக்கப்பட்டது. இதன் விளைவாக நடுவர் அந்த கோலை ரத்து செய்தார்.

📊 FIFA வெளியிட்ட அதிகாரப்பூர்வ அறிக்கை:

“உலகக்கோப்பையின் அதிகாரப்பூர்வ பந்தான அடிடாஸ் ட்ரியோண்டாவில் உள்ள ‘கனெக்டட் பால் டெக்னாலஜி’ வழங்கிய தரவுகளின்படி, போர்த்துகலுக்கு எதிரான கோல் உருவாக்கத்தின் போது குரோஷியாவின் #20 வீரர் இகோர் மதானோவிச் பந்தைத் தொட்டது நிரூபிக்கப்பட்டுள்ளது. இதன் மூலம் நடுவர் ஆஃப்சைட் முடிவைச் சரியாகக் கணித்து கோலை ரத்து செய்துள்ளார்.”

💔 குரோஷியாவின் சோகமான வெளியேற்றம்:

இந்த தொழில்நுட்ப முடிவால் குரோஷிய அணியின் உலகக்கோப்பை கனவு பரிதாபமாக முடிவுக்கு வந்துள்ளதுடன், நட்சத்திர வீரர் லூகா மோட்ரிச்சின் உலகக்கோப்பை பயணமும் அத்துடன் நிறைவடைந்தது. மயிரிழையில் தப்பித்த போர்த்துகல் அணி, தங்களின் அடுத்த சுற்று 16 நாக்-அவுட் போட்டியில் ஸ்பெயின் அணியை திங்கட்கிழமை எதிர்கொள்ளவுள்ளது!