குருநகரில் நீண்டகால போதைப்பொருள் வியாபாரி சிக்கினார்: ஹெரோயின் பறிமுதல்!
யாழ்ப்பாணம், குருநகர் பகுதியில் நீண்டகாலமாக ஹெரோயின் போதைப்பொருள் வியாபாரத்தில் ஈடுபட்டு வந்த நபர் ஒருவர், நேற்றைய தினம் (2026 ஏப்ரல் 25, சனிக்கிழமை) காவற்துறைப் புலனாய்வுப் பிரிவினரால் கையும் மெய்யுமாகக் கைது செய்யப்பட்டுள்ளார்.
யாழ்ப்பாணத்தில் போதைப்பொருள் பாவனையைக் கட்டுப்படுத்தும் நோக்கில் காவற்துறையினர் முன்னெடுத்து வரும் விசேட தேடுதல் நடவடிக்கையின் ஒரு பகுதியாக இந்தக் கைது இடம்பெற்றுள்ளது.
: குருநகர் பகுதியில் குறிப்பிட்ட நபர் ஒருவர் தொடர்ச்சியாக போதைப்பொருள் விற்பனையில் ஈடுபட்டு வருவதாகக் காவற்துறைப் புலனாய்வுப் பிரிவினருக்கு நம்பகமான தகவல் கிடைத்துள்ளது.
சந்தேகநபரைச் சுற்றிவளைத்துச் சோதனையிட்டபோது, அவரிடமிருந்து 2 கிராம் 35 மில்லி கிராம் ஹெரோயின் போதைப்பொருள் மீட்கப்பட்டது.
கைது செய்யப்பட்ட நபர் தற்போது யாழ்ப்பாணக் காவல் நிலையத்தில் தடுத்து வைக்கப்பட்டுள்ளார்.
இவருக்குப் பின்னால் உள்ள போதைப்பொருள் விநியோக வலையமைப்பு குறித்துக் காவற்துறையினர் தீவிர விசாரணைகளை முன்னெடுத்து வருகின்றனர்.
