ஆஸ்திரேலியாவின் குயின்ஸ்லாந்தில் மொபைல் போன் வடிவில் மடிக்கக்கூடிய இரண்டு கைத்துப்பாக்கிகளை பறிமுதல் செய்த காவல்துறையினர், இது தொடர்பாக நான்கு பேரைக் கைது செய்து வழக்குப்பதிவு செய்துள்ளனர்.
மோர்டன் தந்திரோபாய குற்றப்பிரிவு மற்றும் பொது பாதுகாப்பு அதிரடிப் படையினர் இணைந்து ஆகஸ்ட் 2-ஆம் தேதி ‘டிசெப்ஷன் பே’ பகுதியிலுள்ள ஒரு சொத்தில் நடத்திய சோதனையின் போதே இத்துப்பாக்கிகள் கண்டுபிடிக்கப்பட்டன.
நீண்ட விசாரணைக்குப் பிறகு, இந்த விவகாரம் தொடர்பாக நான்கு பேருக்கு எதிராகவும் நீதிமன்றத்தில் வழக்கு தாக்கல் செய்யப்பட்டுள்ளது.
