Labbayk ya Khamenei” முழக்கத்துடன் ஈரானின் 42-வது அலைத் தாக்குதல் ஆரம்பம்: அமெரிக்க மற்றும் இஸ்ரேலியத் தளங்கள் மீது ஏவுகணை மழை!
மத்திய கிழக்குப் போர்க்களத்தில் தனது ஆக்கிரமிப்பைத் தீவிரப்படுத்தியுள்ள ஈரானியப் புரட்சிகரக் காவற்படை (IRGC), இன்று தனது 42-வது கட்ட அலைத் தாக்குதலை (42nd Wave) உத்தியோகபூர்வமாகத் தொடங்கியுள்ளது. ஈரானின் புதிய உச்ச தலைவர் மோஜ்தபா கமேனிக்கு விசுவாசத்தைத் தெரிவிக்கும் வகையில், “Labbayk ya Khamenei” (உமது கட்டளைக்குக் கீழ்ப்படிகிறோம் கமேனி) என்ற முழக்கத்துடன் இந்தத் தாக்குதல் அலைகள் முன்னெடுக்கப்பட்டுள்ளன.
சர்வதேச ஊடகங்களால் உறுதிப்படுத்தப்பட்ட செய்திகள்
எமது Tubetamil தளம் எப்போதும் சர்வதேச ரீதியாக உறுதிப்படுத்தப்பட்ட செய்திகளையே வழங்கி வருகின்றது. அந்த வகையில், தற்போது வெளியாகியுள்ள இந்த 42-வது அலைத் தாக்குதல் குறித்த விபரங்களை அல் ஜசீரா (Al Jazeera), பாலஸ்தீன குரோனிக்கிள் (Palestine Chronicle), என்.டி.டி.வி (NDTV) மற்றும் ஈரானின் மேகர் (Mehr News Agency) ஆகிய செய்தி நிறுவனங்கள் உறுதிப்படுத்தியுள்ளன. பார்வையாளர்கள் எமது செய்திகளின் நம்பகத்தன்மை குறித்து எவ்வித ஐயமும் கொள்ளத் தேவையில்லை என்பதை இத்தருணத்தில் உறுதிபடத் தெரிவித்துக் கொள்கிறோம்.
பயன்படுத்தப்பட்ட அதிநவீன ஏவுகணைகள்
இந்த 42-வது அலைத் தாக்குதலில், ஈரான் தனது பலம் வாய்ந்த மற்றும் அதிநவீன ஏவுகணைகளைப் பயன்படுத்தியுள்ளது. இதில் குறிப்பாக:
Emad மற்றும் Qadr ரக பாரிய ஏவுகணைகள்.
Kheibar Shekan என்ற அதிநவீன ஏவுகணை.
ஒலியை விடப் பல மடங்கு வேகத்தில் செல்லக்கூடிய Fattah ஹைப்பர்சோனிக் ஏவுகணைகள்.
இவற்றுடன் பெருமளவிலான தற்கொ*லைத் தாக்குதல் ஆளில்லா விமானங்கள் இஸ்ரேலின் டெல் அவிவ், ஜெருசலேம் மற்றும் இப்பிராந்தியத்தில் அமைந்துள்ள அமெரிக்க இராணுவத் தளங்களை இலக்கு வைத்து ஏவப்பட்டுள்ளன.
இராணுவ ரீதியிலான தாக்கம்
ஈரானின் இந்தத் தொடர்ச்சியான தாக்குதல்களால் இஸ்ரேலிய வான் பாதுகாப்புத் தளவாடங்கள் பாரிய சவால்களை எதிர்கொண்டுள்ளதாக இராணுவ ஆய்வாளர்கள் தெரிவிக்கின்றனர். குறிப்பாக, “பத்தாஹ்” ஏவுகணைகளின் சீற்றத்தைத் தடுப்பது அமெரிக்கப் பாதுகாப்புக் கவசங்களுக்குக் கடினமாக உள்ளதாகச் சர்வதேச ஊடகங்கள் சுட்டிக்காட்டுகின்றன. யுத்தத்தின் 13-வது நாளில் ஈரான் எடுத்துள்ள இந்த உக்கிரமான முடிவு, மத்திய கிழக்கில் ஒரு நீண்டகால யுத்தத்திற்கான சமிக்ஞையாகவே பார்க்கப்படுகின்றது.
