நீர்கொழும்பு கொச்சிக்கடை பகுதியில் மனித பாவனைக்கு உதவாத 5,670 கிலோ மீன்களை ஏற்றிச் சென்ற ஒருவர் லொறியுடன் கைது செய்யப்பட்டுள்ளார்.
சிலாபத்தில் இருந்து நீர்கொழும்பு நோக்கி துர்நாற்றம் கொண்ட மீன்களை ஏற்றிச் சென்ற லொறி தோப்புவ பாலத்தில் வைத்து நேற்று கண்டுபிடிக்கப்பட்டது.
லொறியை பொலிஸார் சோதனையிட்ட போது 3.4 மில்லியனுக்கும் அதிகம் பெறுமதியான மீன்கள் மனித பாவனைக்கு தகுதியற்றதாக காணப்பட்டுள்ளது .
கைதான லொறியின் சாரதி நீர்கொழும்பு, பிடிபனை பிரதேசத்தை சேர்ந்த 53 வயதுடையவராவர். கைதான சந்தேகநபர் நீர்கொழும்பு நீதவான் நீதிமன்றில் ஆஜர்படுத்தப்படவுள்ளதாக பொலிஸார் கூறியுள்ளனர்.
