சுழிபுரம் கே. ஏ. எஸ். சத்தியமனை நூலகத்தின் ஏற்பாட்டில் வலிகாமம் மேற்குப் பிரதேசத்திலுள்ள பாடசாலைகளில் கல்வி கற்கின்ற தரம்-04, 05, 10, 11, 12, 13 வரையான மாணவர்களுக்கு இன்றைய தினம் (2023.07.30) ஓவியப் போட்டி இடம்பெற்றது.
மேற்படி நூலகத்தின் ஏற்பாட்டில் சிறுபொறி என்ற காலாண்டு சஞ்சிகை வெளியீடு செய்யப்படவுள்ளது. இச்சஞ்சிகையில் மாணவர்களின் ஓவியங்களும் இடம்பெற வேண்டும் என்ற நோக்கத்தில் மாணவர்களிடையே குறித்த ஓவியப் போட்டி நடத்தி, தெரிவு செய்யப்படும் சிறந்த ஓவியம் சஞ்சிகையில் பிரசுரிக்கப்படவுள்ளது.
கல்வி மற்றும் சமூக மேம்பாட்டுக் கருத்துக்களை முன்னிறுத்தி மாணவர்களால் எழுதப்படும் ஆக்கங்களைத் தாங்கிவரும் சிறுபொறி சஞ்சிகையானது அடுத்த மாதம் 25 ஆம் திகதி சத்தியமனை நூலக மண்டபத்தில் வெளியீடு செய்யப்படவுள்ளது.
இதே சத்தியமனையில் கடந்த 47 வருடங்களுக்கு முன்னர் மாணவர்களால் கையெழுத்துப் பிரதியாக வெளிவந்த சிறுபொறி சஞ்சிகை, தற்போது அச்சுப்பிரதியாக வெளிவரவுள்ளமை குறிப்பிடத்தக்கது.
