ஈரான் – ரஷ்யா அவசர சந்திப்பு! அமெரிக்காவுக்கு புதிய சவாலா?
ஈரானின் உயர்மட்ட பாதுகாப்பு அதிகாரி மொஹ்சென் ரெசாயி, ரஷ்யத் தலைநகர் மாஸ்கோவில் ரஷ்ய அதிபர் விளாடிமிர் புதினைச் சந்தித்துப் பேச்சுவார்த்தை நடத்தியுள்ளதாகத் தகவல்கள் தெரிவிக்கின்றன.
மத்திய கிழக்கில் போர் பதற்றம் அதிகரித்து வரும் சூழலில், இந்தச் சந்திப்பு சர்வதேச அரசியல் வட்டாரத்தில் கவனம் பெற்றுள்ளது.
அமெரிக்க அதிபர் டொனால்ட் ட்ரம்ப் மற்றும் இஸ்ரேல் பிரதமர் நெதன்யாகு ஆகியோரின் நிலைப்பாடுகள் குறித்த சர்வதேச விவாதங்கள் தீவிரமடைந்துள்ள நிலையில், ஈரான் – ரஷ்யா இடையிலான இந்த அவசர சந்திப்பு முக்கியத்துவம் பெறுகிறது.
போர் பதற்றம் மேலும் அதிகரித்தால் ஈரானுக்கு ரஷ்யா எந்த வகையான ஆதரவை வழங்கும்? ஈரானின் பாதுகாப்பில் ரஷ்யா நேரடியாகப் பங்கெடுக்குமா? என்ற கேள்விகள் தற்போது எழுந்துள்ளன.
இந்தச் சந்திப்பின் பின்னணியும் அதன் விளைவுகளும் சர்வதேச அரசியலில் அடுத்தகட்ட நகர்வுகளைத் தீர்மானிக்குமா என்பதைப் பொறுத்திருந்துதான் பார்க்க வேண்டும்.
