பிரான்ஸில் இருந்து இலங்கை சென்ற பெண்ணுக்கு நேர்ந்த கொடூரம்! சிக்கிய இளைஞன்
இலங்கையின் தென்பகுதியில் அமைந்துள்ள உலகப் புகழ்பெற்ற சுற்றுலாத் தலமான ரூமஸ்ஸல,
ஜங்கிள் பீச் (Jungle Beach) பகுதியில் சுற்றுலா வந்த பிரெஞ்சு நாட்டு யுவதி ஒருவருக்கு தவறான முறையில் அச்சுறுத்தல் விடுக்கப்பட்ட சம்பவம் பெரும் பரபரப்பை ஏற்படுத்தியுள்ளது.
20 வயதான பிரெஞ்சு நாட்டவரான குறித்த யுவதி, அங்கு பொழுதுபோக்கில் ஈடுபட்டிருந்த போதே இந்த எதிர்பாராத அசம்பாவிதத்தைச் சந்தித்துள்ளார்.
பாதிக்கப்பட்ட சுற்றுலா யுவதிக்கு நேர்ந்த தொல்லை தொடர்பில் உனவட்டுன சுற்றுலாப் பொலிஸ் பணியகத்திற்கு உடனடித் தகவல் கிடைத்துள்ளது.
தகவலைத் தொடர்ந்து, உனவட்டுன சுற்றுலாப் பொலிஸ் நிலைய பொறுப்பதிகாரி தலைமையிலான சிறப்புப் பொலிஸ் குழுவினர் உடனடியாகச் செயல்பட்டு, இச்சம்பவத்துடன் தொடர்புடைய 21 வயதுடைய இளைஞனை அதிரடியாகக் கைது செய்தனர்.
கைது செய்யப்பட்ட சந்தேகநபரிடம் ஆரம்பக்கட்ட விசாரணைகளை மேற்கொண்ட பொலிஸார், பாதிக்கப்பட்ட வெளிநாட்டு யுவதியின் பாதுகாப்பை முழுமையாக உறுதிசெய்தனர்.
பின்னர், மேலதிக விசாரணைகள் மற்றும் சட்ட நடவடிக்கைகளுக்காக சந்தேகநபர் ஹபரதூவ பொலிஸ் நிலையத்தில் ஒப்படைக்கப்பட்டுள்ளார்.
சம்பவத்துடன் தொடர்புடைய சந்தேகநபரை நீதிமன்றத்தில் ஆஜர்படுத்துவதற்கான ஏற்பாடுகளைப் பொலிஸார் மேற்கொண்டு வருகின்றனர்.
வெளிநாட்டுச் சுற்றுலாப் பயணிகளின் பாதுகாப்பை உறுதிசெய்யும் வகையில் பொலிஸார் எடுத்த இந்த உடனடி நடவடிக்கை பலரின் வரவேற்பைப் பெற்றுள்ள நிலையில், சுற்றுலாப் பயணிகள் தொடர்ந்து விழிப்புணர்வுடன் இருக்குமாறு கேட்டுக்கொள்ளப்படுகிறார்கள்.
