இந்தியாவின் கர்நாடக மாநிலம், தட்சிண கன்னட மாவட்டத்தில் உள்ள பந்த்வால் (BC Road) KSRTC பேருந்து நிலையத்தில், 21 வயதான லாவண்யா என்ற இளம்பெண் கூரிய ஆயுதத்தால் தாக்கப்பட்டு உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.
🏥 தனியார் மருத்துவமனையில் பணியாற்றி வந்த லாவண்யா, வேலை முடிந்து வீடு திரும்பிக் கொண்டிருந்தபோது இந்த தாக்குதல் இடம்பெற்றதாக பொலிஸார் தெரிவித்துள்ளனர்.
👤 ஆரம்பக்கட்ட விசாரணையின்படி, அவரது தூரத்து உறவினரான சேதன் (22), ஒருதலைக் காதல் காரணமாக தொடர்ந்து தொந்தரவு செய்து வந்ததாகவும், பேருந்திலிருந்து இறங்கிய பிறகு கூரிய ஆயுதத்தால் தாக்கியதாகவும் பொலிஸார் சந்தேகிக்கின்றனர்.
🚑 படுகாயமடைந்த லாவண்யா உடனடியாக மருத்துவமனைக்கு கொண்டு செல்லப்பட்டபோதும், சிகிச்சை பலனின்றி உயிரிழந்தார்.
👮 சம்பவத்திற்குப் பிறகு தப்பிச் சென்ற சந்தேகநபர் பின்னர் பொலிஸாரால் கைது செய்யப்பட்டுள்ளார். விசாரணையின்போது அவர் விஷம் அருந்தியதாகக் கூறப்பட்டதால் மருத்துவமனையில் அனுமதிக்கப்பட்டுள்ளார்.
⚖️ இந்த வழக்கு தொடர்பான மேலதிக விசாரணைகளை கர்நாடக பொலிஸார் தொடர்ந்து முன்னெடுத்து வருகின்றனர்.
