பிரான்ஸில் பாடசாலை உதவித்தொகை உயர்வு – ஒகஸ்ட் மாதம் முதல் 30 லட்சம் குடும்பங்களுக்கு கிடைக்கும் நன்மை!!
பிரான்ஸில் 2026-ஆம் ஆண்டுக்கான பாடசாலை உதவித்தொகை (Allocation de rentrée scolaire – ARS) ஏப்ரல் மாதம் முதல் அதிகாரப்பூர்வமாக உயர்த்தப்பட்டுள்ளது.
இந்த அதிகரிப்பு வரும் ஆகஸ்ட் மாதம் சுமார் 30 லட்சம் (3 million) குடும்பங்களுக்கு (சுமார் 50 லட்சம் குழந்தைகளுக்கு) வழங்கப்பட உள்ளது.
பணவீக்கத்தைக் கருத்தில் கொண்டு இந்த ஆண்டு சுமார் 0.9% உயர்வு அறிவிக்கப்பட்டுள்ளது.
2026-ஆம் ஆண்டுக்கான புதிய உதவித்தொகை விபரங்கள்:
குழந்தைகளின் வயதுக்கேற்ப வழங்கப்படும் தொகை பின்வருமாறு மாற்றப்பட்டுள்ளது:
6 முதல் 10 வயது வரை | 423.48€ | 427.29€ |
11 முதல் 14 வயது வரை | 446.85€ | 450.87€ |
15 முதல் 18 வயது வரை | 462.33€ | 466.49€ |
* வழங்கப்படும் காலம்: வழக்கமாக ஆகஸ்ட் மாதத்தின் இரண்டாம் பாதியில் (சுமார் ஆகஸ்ட் 16-20 தேதிகளில்) இந்தத் தொகை வங்கிக் கணக்குகளில் செலுத்தப்படும்.
* தகுதி வரம்பு: குடும்பத்தின் ஆண்டு வருமானம் குறிப்பிட்ட வரம்பிற்குள் இருக்க வேண்டும் (உதாரணமாக, ஒரு குழந்தையுள்ள குடும்பத்திற்கு 2024-ஆம் ஆண்டு வருமானம் 28,956€-க்கு மிகாமல் இருக்க வேண்டும்).
* தானியங்கி முறை: 6 முதல் 15 வயதுள்ள குழந்தைகளுக்கு இந்த உதவித்தொகை எவ்வித விண்ணப்பமும் இன்றி தானாகவே (CAF/MSA மூலம்) வழங்கப்படும். 16-18 வயதுடைய மாணவர்களுக்கு அவர்கள் கல்வி பயில்வதை உறுதிப்படுத்தும் சான்றிதழை (Declaration) இணையதளத்தில் சமர்ப்பிக்க வேண்டும்.
