கம்புறுப்பிட்டியவில் கத்திக் குத்து: ஒருவர் பலி, பொலிஸ் விசாரணை!
ஜூலை 12 ஆம் திகதி இரவு கம்புறுப்பிட்டிய, மாஹேன பிரதேசத்தில் இடம்பெற்ற கத்திக் குத்து சம்பவம் தொடர்பில் பொலிஸார் விசாரணைகளை ஆரம்பித்துள்ளனர்.
கிடைக்கப்பெற்ற முறைப்பாட்டின்படி, நண்பர்களுடன் சேர்ந்து மது அருந்திக் கொண்டிருந்தபோது ஏற்பட்ட தகராறு கத்திக் குத்தில் முடிந்துள்ளது. இதில் யாகலகொடவைச் சேர்ந்த 40 வயதுடைய நபர் ஒருவர் உயிரிழந்துள்ளதுடன், கரபுடுகலவைச் சேர்ந்த 42 வயதுடைய மற்றுமொருவர் பலத்த காயமடைந்துள்ளார்.
ஆரம்பகட்ட விசாரணைகளின்படி, வாக்குவாதம் முற்றியதையடுத்து கூரிய ஆயுதத்தால் இந்தத் தாக்குதல் மேற்கொள்ளப்பட்டுள்ளது. காயமடைந்தவர் தற்போது கம்புறுப்பிட்டிய மருத்துவமனையில் சிகிச்சை பெற்று வருவதுடன், உயிரிழந்தவரின் சடலம் மருத்துவமனை பிரேத அறையில் வைக்கப்பட்டுள்ளது.
சந்தேகநபர் சம்பவ இடத்திலிருந்து தப்பிச் சென்றுள்ளதாகவும், அவரைக் கைது செய்ய நடவடிக்கைகள் மேற்கொள்ளப்பட்டு வருவதாகவும் பொலிஸார் தெரிவித்தனர்.
