வேல்ஸ் இளவரசி கேட் மிடில்டன் வைத்திய அறிக்கைகளை ஊடுருவ முயன்ற ஊழியர்களின் குற்றச்சாட்டுகளை விசாரிப்பதாக லண்டன் கிளினிக்கின் தலைமை நிர்வாக அதிகாரி தெரிவித்துள்ளார்.
இந்நிலையில், அனைத்து விசாரணைகளும் உரிய முறையில் முன்னெடுக்கப்படும் எனவும், ஒழுங்கு நடவடிக்கைகளும் எடுக்கப்படும் என்று கூறியுள்ளார்.
கடந்த ஜனவரி மாதம் கேட் திட்டமிடப்பட்ட வயிற்று அறுவை சிகிச்சை மேற்கொண்டிருந்தார்.
இந்நிலையில், வைத்தியசாலை ஊழியர் ஒருவர் இளவரசி கேட் பற்றிய தனிப்பட்ட விவரங்களை அணுக முயற்சித்ததாக குற்றச்சாட்டுகள் எழுந்துள்ளன.
இதனையடுத்து, சம்பவம் குறித்து அவசர விசாரணைகள் முன்னெடுக்கப்பட்டுள்ளது. இது குறித்து லண்டன் கிளினிக்கின் தலைமை நிர்வாக அதிகாரி அல் ரஸ்ஸல் வெளியிட்டுள்ள அறிக்கையில்,
‘லண்டன் கிளினிக்கில் உள்ள ஒவ்வொருவரும் நோயாளியின் இரகசியத்தன்மை தொடர்பான எங்கள் தனிப்பட்ட, தொழில், நெறிமுறை மற்றும் சட்ட கடமைகளை நன்கு அறிந்திருக்கிறார்கள்.
ஒவ்வொரு நாளும் எங்கள் மீது நம்பிக்கை வைக்கும் நோயாளிகளுக்கு வழங்குவதை நோக்கமாகக் கொண்ட சிறந்த கவனிப்பு மற்றும் விவேகத்தில் நாங்கள் பெருமிதம் கொள்கிறோம்.
‘‘நோயாளியின் தகவல்களின் நிர்வாகத்தைக் கண்காணிக்க எங்களிடம் அமைப்புகள் உள்ளன. மேலும் ஏதேனும் மீறல் இடம்பெற்றால் அது குறித்து பொருத்தமான விசாரணை மற்றும் ஒழுங்கு நடவடிக்கைகளும் எடுக்கப்படும்.
எங்கள் நோயாளிகள் அல்லது சக ஊழியர்களின் நம்பிக்கையை வேண்டுமென்றே மீறுபவர்களுக்கு எங்கள் வைத்தியசாலையில் இடமில்லை.‘‘ என அவர் தனது அறிக்கையில் மேலும் தெரிவித்துள்ளார்.
