பலரும் அத்தியாவசிய பொருட்கள் தேவையில் ஒன்றாக கைப்பை வெளியே எடுத்து செல்வது வழக்கம். அதிலும் பெண்களுக்கு இவை முக்கியமானது. உங்களுக்கான சரியான ஹாண்ட் பேக்கை வாங்க கீழ்கண்ட விஷயங்களை கவனத்தில் கொள்ள வேண்டும்.
அதன்படி சரியான கைப்பையை எப்படி பார்த்து வாங்கலாம் என்பதை பற்றி இங்கே பார்ப்போம். முதலில், அதிக பொருட்களை எடுத்துச் செல்ல வேண்டிய நிலை என்றால், பெரிய கைப்பை தான் வேண்டும் என்று இல்லை, அதிக பொருட்களை வைக்கு அளவிலான விசாலமான கைப்பையை வாங்கலாம்.
அதோடு பையின் எடை உங்கள் கைகள் மற்றும் தோள்களில் அழுத்தம் மற்றும் வலியை கொடுக்காத அளவில் இருக்க வேண்டும். அடுத்து, நீங்கள் கொடுக்கும் விலைக்கான பை தரத்துடன் உள்ளதா? என்பதை உறுதிப்படுத்திக்கொள்ளவேண்டும்.
நீண்ட காலம் உழைக்கும் வகையிலான ஹாண்ட் பேக்குகள் சிறிது விலை கூடுதல் என்றாலும் தயங்காமல் வாங்கலாம். ஏனென்றால் மலிவாக இருக்கிறதே என வாங்கினால், சிறிது நாட்களிலேயே, கைபிடி இணைப்பு, தையல்கள் பிரிந்து உபயோகம் அற்றதாகி விடும்.
மேலும், ஹேண்ட்பேக்கின் கைப்பிடி உறுதியாக உள்ளதா என முதலில் கவனியுங்கள். ஹேண்பேக் எந்த மெட்டீரியல் தேவை என்பதை தேர்ந்தெடுத்துக்கொள்ள வேண்டும், வேகன் லெதர் (Vegan leather ) பைகளுக்கு தற்போது சந்தையில் டிமாண்ட் உள்ளது.
அசல் தோல் பைகளுடன் ஒப்பிடும்போது விலை குறைவாகவும், நீடித்து உழைப்பதாகவும் இருப்பது கூடுதல் சிறப்பு. சில பிராண்டுகள் ஸ்டைலான, சுற்றுச்சூழலுக்கு ஏற்ற சணல் பைகளையும் அறிமுகப்படுத்தியுள்ளது.
ஹேண்ட்பேக் நிறங்கள் உங்கள் ஆளுமையை வரையறுப்பதில் பெரும் பங்கு வகிக்கின்றன. கருப்பு, பழுப்பு மற்றும் வெள்ளை போன்ற நடுநிலை நிறங்கள், எந்த ஆடைகளுக்கும் பொருத்தமானதாக இருக்கும். முன்பு கறுப்பு மிகவும் விரும்பப்பட்ட வண்ணங்களில் ஒன்றாக இருந்தபோதிலும், இப்போது, சிவப்பு, நீலம் போன்ற அடர் நிறங்களுடன், பல்வேறு வகையிலான லைட் நிறங்களும் வந்துவிட்டன.
இதனை உங்கள் விருப்படியும், பேஷனின் அடிப்படையிலும் தேர்ந்தெடுக்கலாம். கடைசியாக விலையை கருத்தில் கொண்டு தேர்ந்தெடுப்பது முக்கியமான ஒன்று நீங்கள் கொடுக்கும் பணத்திற்கான மதிப்பு அதற்கு உள்ளதா என்பதை அறிந்து கொள்ளவும். தற்போதைய சந்தை விலையை ஆராய்ந்து முடிவெடுப்பது நல்லது
