சுற்றுலாப் பயணிகளுக்காக புதிய நீண்ட கால விசா வகையை அறிமுகம் செய்வதற்கு அமைச்சரவை அங்கீகாரம் வழங்கியுள்ளதாக சுற்றுலாத்துறை அமைச்சர் ஹரின் பெர்னாண்டோ தெரிவித்துள்ளார்.
தனது உத்தியோகபூர்வ டுவிட்டர் தளத்தில் இதனை பதிவிட்டுள்ளார்.
In addition to the 1 yr multiple entry & single entry tourists visas which have 6 months stay period (previously 30 days) cabinet has approved a 5 yr multiple entry tourist visa w/ 6 months stay for 35 countries. To help boost repeat tourism in SL. #visitsrilanka #SriLankaCan
— Harin Fernando (@fernandoharin) August 30, 2022
இலங்கையின் சுற்றுலாத்துறையை மேம்படுத்துவதற்காக, 6 மாதங்கள் தங்குவதற்கான 5 வருட நுழைவு சுற்றுலா விசாவை 35 நாடுகளுக்கு வழங்க அமைச்சரவை அங்கீகாரம் வழங்கியுள்ளது.
புதிய நீண்ட கால விசா வகை
இதற்கமைய,1 வருட பல நுழைவு மற்றும் ஒற்றை நுழைவு சுற்றுலா விசாக்களுக்கு மேலதிகமாக புதிய விசாவிற்கு அனுமதி வழங்கப்பட்டுள்ளது.
முன்னர் 30 நாட்களுக்கு வழங்கப்பட்ட 1 வருட பல நுழைவு மற்றும் ஒற்றை நுழைவு சுற்றுலா விசாக்கள் தற்போது 06 மாத காலத்திற்கு வழங்கப்படுகின்றன.
இதற்கமைய, 6 மாதங்கள் தங்குவதற்கான புதிய 5 வருட பல நுழைவு சுற்றுலா விசா வழங்கப்படுவதாக ஹரின் பெர்னாண்டோ குறித்த பதிவில் தெரிவித்துள்ளார்.
