நாடளாவிய ரீதியில் தரம் 5 புலமை பரிசில் பரீட்சை பெறுபேறுகள் 25 ஆம் திகதி வெளியான நிலையில் அதிக்கூடிய புள்ளிகளை பெற்ற சில மாணவர்களின் விபரம் வெளியாகியுள்ளது.
198 புள்ளி
பன்னிப்பிட்டி கிறிஸ்துராஜா வித்தியாலயத்தில் புலமைப்பரிசில் 198 புள்ளிகளுடன் மாணவியொருவர் சித்திபெற்றுள்ளமை பதிவாகியுள்ளது.
ஹோமாகம, தியகம பிரதேசத்தை சேர்ந்த செனித நெட்டினு பெரேரா என்ற இந்த மாணவி செஸ், கலை மற்றும் இசையில் சிறந்து விளங்குபவராவார்.
இவ்வருட புலமைப்பரிசில் பரீட்சையில் முதலாம், இரண்டாம், மூன்றாம் இடங்களைப் பெற்ற மாணவர்களை இதுவரை பரீட்சை திணைக்களம் அறிவிக்காததன் பின்னணியே இதுவாகும்.
195 புள்ளி
எப்பாவல ஸ்ரீ ராகுல ஆரம்பப் பாடசாலை மாணவன் டி.எம்.சஸ்விது பூஜன திஸாநாயக்க புலமைப்பரிசில் பரீட்சையில் 195 புள்ளிகளைப் பெற்று சிறந்த வெற்றியைப் பெற்றுள்ளார்.
எப்பாவல, செடகல, மிஹிதுபுர பகுதியைச் சேர்ந்த டி.எம்.சஸ்விது பூஜன திஸாநாயக்க தனது வெற்றி குறித்து கருத்துத் தெரிவிக்கையில்,
இம்முறை புலமைப்பரிசில் பரீட்சை எழுதி 195 மதிப்பெண்கள் பெற்றேன், தினமும் பாடசாலை வேலைகளை செய்து நன்றாக படித்தேன்.பொறியியலாளராகி நாட்டிற்கு சேவை செய்ய வேண்டும் என்பதே எனது எதிர்கால நம்பிக்கை.
எனது வெற்றிக்கு அம்மா, அப்பா, தாத்தா என பலரும் உதவி செய்தனர்.1ம் ஆண்டு முதல் 05ம் ஆண்டு வரை எனக்கு பாடம் கற்பித்த எனது ஆசிரியர்கள் இந்த மதிப்பெண்ணை பெற காரணம் என்றும் நன்றி தெரிவித்துள்ளார்.
195 புள்ளி
இவ்வருட ஐந்தாண்டு புலமைப்பரிசில் பரீட்சையில் கிரியுல்ல கிளிம்பொல ஆரம்பப் பாடசாலையைச் சேர்ந்த டபிள்யூ கிசிந்து கெத்மிர வீரசூரிய மாணவி 195 புள்ளிகளைப் பெற்றுள்ளார்.
இக்கல்லூரியிலிருந்து 65 மாணவர்கள் புலமைப்பரிசில் பரீட்சைக்குத் தோற்றியுள்ளதுடன் அவர்களில் 25 பேர் அதிக சித்திகளைப் பெற்று சித்தியடைந்துள்ளனர்.
கடஹபொல ஹொரொம்பாவ பிரதேசத்தைச் சேர்ந்த டபிள்யூ.டி.சி.வீரசூரிய மற்றும் ஆர்.எம்.வி கருணாரத்ன ஆகியோருக்குப் பிறந்த கிசிந்து கெத்மிர குடும்பத்தின் ஒரே பிள்ளை என்பதுடன் கல்லூரியின் மாணவர் தலைவர் அணி மற்றும் அபாரதிக இசைக்குழுவின் உறுப்பினராகவும் உள்ளார்.
